MGA TURO NG MGA PANGULO NG SIMBAHAN HAROLD B. LEE

271
KABANATA 24
Ang tagumpay ay maraming bagay sa maraming tao, ngunit sa
bawat anak ng Diyos ito ang pagmamana sa dakong huli ng kanyang
kinaroroonan at doo’y maging maginhawa sa piling niya. 21
Isa lang naman ang layunin kung pag-uusapan ang gawain ng
ating Ama, at ito ay sa wakas, kapag natapos na natin ang ating
gawain dito sa mundo, maging ito ma’y sandali o matagal na panahon,
ay mapagtagumpayan din natin ang daigdig at magkaroon
ng karapatan sa lugar na tinatawag na Kahariang
Selestiyal. 22
Ang taong namumuhay. . .nang karapat-dapat sa patotoo na
buhay ang Diyos at si Jesus ang Cristo, at handang lumapit sa
Kanya at palaging nagtatanong upang malaman kung inaprubahan
ang kanyang landas, ay ang taong namumuhay nang may lubos
na kasaganaan dito at naghahanda para sa kahariang
selestiyal, na ibig sabihi’y mamuhay nang walang hanggan sa piling
ng kanyang Ama sa Langit. 23
Hayaan ninyong paalalahanan ko kayo na pag-isipang mabuti
ang kahanga-hangang pangako ng Panginoon sa lahat ng
matatapat:
“At kung ang inyong mata ay nakatuon sa aking kaluwalhatian,
ang inyong buong katawan ay mapupuno ng liwanag, at walang
magiging kadiliman sa inyo; at yaong katawan na puno ng liwanag
ay nakauunawa sa lahat ng bagay.” (D at T 88:67.)
Na ang bawat isa na naghahangad ng gayon ay magkaroon sa
kanyang sarili ng di-natitinag na patotoo na maglalagay sa kanyang
mga paa sa tiyak na landas na tiyak na patungo sa maluwalhating
layunin ng kawalang-kamatayan at buhay na walang
hanggan ang siyang aba kong dalangin. 24
Mga Mungkahi sa Pag-aaral at Talakayan
• Sa paanong paraan tayo katulad kung minsan ng binatang
nagsisibak ng kahoy?
• Ano ang makatutulong sa atin upang araw-araw na maituon
ang pansin natin sa layuning makabalik nang ligtas sa ating
Ama sa Langit?