MGA TURO NG MGA PANGULO NG SIMBAHAN HAROLD B. LEE

K A B A N A T A 1 3
Pagtuturo ng Ebanghelyo
sa Tahanan
Paano magagawa ng mga magulang na maging
isang kanlungan at lugar ng paghahanda ang kanilang
tahanan para sa buhay na walang hanggan?
Pambungad
Ito ang sinabi ni Pangulong Harold B. Lee tungkol sa kahalagahan
ng pagtuturo ng ebanghelyo sa tahanan:
“Sa pagbabasa natin mula sa mga isinulat ng mga naunang
propeta, matutuklasan natin ang tila ipinahihiwatig na kasalanan
na nagdulot ng kasamaan na siyang nagpatangis sa Diyos na lumalang
sa sangkatauhan. Sa isang paghahayag sa kanyang matapat
na propetang si Enoc, sinabi ng Diyos na ang mga labi ng
kanyang mga anak ay walang pagmamahal, at kinapopootan nila
ang kanilang sariling dugo, na ang ibig sabihin ay walang iba
kundi ang kanilang mga anak.
“Sa kanyang sagot sa tanong ni Enoc kung bakit siya tumangis,
sumagot ang Diyos na ‘. . .sa lahat ng gawa ng aking mga kamay
ay walang naging kasingsama gaya sa iyong mga kapatid.’
“At dagdag pa Niya: ‘. . .masdan, ang kanilang mga kasalanan
ay mapapataw sa ulo ng kanilang mga ama. . . .’ (Moises
7:36–37.) Maliwanag na nagawa ng mga magulang ng salinlahing
iyon ang malaking kasalanan ng pagkabigong sumunod sa utos
na ibinigay sa lahat ng mga magulang mula sa panahon ni Adan
hanggang sa atin mismong kapanahuhan. Nabigo sila sa pagtuturo
ng mga doktrina ng kaligtasan sa kanilang mga anak.
“Binalaan tayo ng Panginoon na, kung ano ang nangyari noong
kapanahunan ni Noe ay gayundin ang mangyayari sa pagparito
ng Anak ng Tao. Ipahintulot nawa ng Diyos na pakinggan ng
mga taong ito ang tawag ng ating propetang-pinuno at turuan
140