Leibniz, Akademie-Ausgabe, Bd. I, 20 - Gottfried Wilhelm Leibniz ...

638 ii. allgemeiner und gelehrter briefwechsel 1701–1702 N. 363
Nobilissime atque Excellentissime Domine
Gratae utique, imo gratissimae, mihi fuerunt literae, quas Berolini d. 18. Octobr. ad
me scripsisti, quasque Dn. Eques Fountain ante hos XIV dies mihi reddidit, tum quia
de adfectu Tuo erga me singulari, quem honori mihi duco, testantur, tum quia nobilis-
5 simorum et politissimorum juvenum notitiam mihi pararunt. Sapientiam, qua laudatum
Dominum Equitem supra aetatem praeditum esse scripsisti, ex ejus sermone agendique
modo perspexi, et admiratus sum; sed dolui semel tantum nec multa cum eo loquendi
facultatem mihi concessam fuisse, et quidem in bibliotheca nostra publica, postquam bis
frustra ad aedes meas venisset me visum, nunquam praesentem: ea quippe negotiorum
10 meorum est ratio, ut his contractioribus diebus vix hora meridiana, qua prandere solemus,
domi mihi esse liceat. Verum, quae ego illustri juveni officia exhibere non potui,
abunde pensavit Dn. D. Thomasius noster, cujus conversatione plus simplici vice usus
est, e qua etiam plus jucunditatis atque utilitatis ob communia inter eos studia numismatum
antiquorum illum hausisse certus sum, quam ex mea capere potuisset. Hinc a nobis
15 Augustam Vindelicorum cum comitibus suis profectus est, Viennam inde petiturus, jussit
vero postremis, quae mihi dixit, verbis, ut plurimam suo nomine Tibi nunciarem salutem.
Stemma meum Desiderianum visum Tibi esse nec omnino displicuisse laetor; initia
ejus Italorum hypothesibus niti fateor, gentemque istam circa origines illustrium familiarum
nimium esse liberalem consentio Tibi, neque id in opere meo dissimulavi; dare
20 vero aliquid volui non tam illorum genio, quam commoditati, quam illa mihi praebebat
hypothesis summa Historiae Italicae et Hispanicae generalis capita speciali familiarum,
quas reliquae operis partes exhibebunt, praemittendi. Dubia tamen et incerta omnia,
quae prima habet Tabula, ad genesin Berengariorum, et deductionem Vicecomitum Mediolanensium
a Desiderii stirpe redeunt, caeteris omnibus veritas atque auctoritas sua
25 constat; cui in reliquis quoque stirpibus, quarum triginta et amplius Italicas Hispanicasque
confectas habeo, pro captu litavi: earum in numero etiam Atestina est, in qua supra
Azzonem, quem Marchionem Magnum monumentum quoddam dicere in eleganti epistola
12 Thomasius: Gottfried Thomasius. 17 Stemma: J. W. v. Imhof, Historia Italiae et Hispaniae
genealogica exhibens instar prodromi Stemma Desiderianum, 1701. Vgl. auch Leibniz’ Meinung zu diesem
Werk in der Korrespondenz mit Chr. J. Nicolai von Greiffencrantz im vorliegenden Band. 23 Tabula:
vgl. a. a.O., S. 11. 25 f. triginta . . . habeo: Davon veröffentlichte J. W. v. Imhof die Genealogia viginti
illustrium in Hispania familiarum, 1712. 27–639,1 quem . . . memorasti: vgl. Leibniz, Lettre sur la
connexion des maisons de Brunsvic et d’Este, 1695, S. 4, u. Babin/van den Heuvel, Schriften und
Briefe zur Geschichte, 2004, S. 898 Anm. 10.
29. 11. 2006