Leibniz, Akademie-Ausgabe, Bd. I, 20 - Gottfried Wilhelm Leibniz ...

778 ii. allgemeiner und gelehrter briefwechsel 1701–1702 N. 450
Vir Maxime Reverende et Amplissime,
Fautor Honoratissime. Brunsvigae 14 Feb. 1702
Ajunt doctissimo Homburgio vestro jam destinatam esse ab hac aula juris professionem.
Mirum Dn. Niemeierum potuisse inscio Senatu Academico et propria autoritate
5 Actis Academicis inserere aliquid quo fama Cl. Cypriani tantopere gravatur. Ea res vereor
ne det turbas. Nam video Dn. Arnoldum ejusque amicos jam aliquid inde rescivisse,
atque attigisse publice, ita Cypriano imponitur vindicandi sui necessitas.
Responsum Jenense contra eos qui alios Pietistarum nomine infamant, non malum
est. Interim nec is probatur qui ideo publicos coetus vitat, ne talia audire cogatur.
10 Judicium hominis Romanae Ecclesiae addicti in Polonia quo reconciliationis cum
protestantibus impossibilitatem tuetur videtur mihi directum contra Colloquium Toruniense
sub Vladislao Rege, atque illo tempore editum, nunc recusum. Tria impossibilitatem
facere putat: regimen Ecclesiae, missas solitarias, cultum sanctorum et imaginum.
Sed regimen Monarchicum admitti potest, temperatum ut ab ipsis fit pontificiis. Missae
15 solitariae tolerari possunt; unus cultus est, qui maxime emendationem postulat, quam
sane ipsi prudentiores inter pontificios optant. Caeterum judicium illud elegantius scriptum
est, quam hodie solet. Interim pro communicato hoc scripto gratias ago, et pro
Grammatica regia quae non plane videtur inepta. Sic vidi a quodam concinnatam Theologiam
Principum ubi quibusque ex catechesi aut scriptura sacra respondet quae tempori
20 praesenti congruunt.
Bibliotheca Academica, ut video, opera D ni Praepositi Hardtii insignia capiet incrementa.
Quod mihi est gratissimum, et cedet spero in ipsius Academiae incrementum.
Rectius ita facit S mus Dux Rudolphus Augustus, quam si libros suos per varia loca
dispergat, minore laude sua et in publicum fructu.
6 Dn. Arnoldum: G. Arnold, den E. S. Cyprian mit seinen Allgemeinen Anmerckungen, 1701, heftig
angegriffen hatte. 7 attigisse publice: nicht ermittelt. 8 Responsum Jenense: Gemeint ist möglicherweise
N. Chr. v. Lyncker, In Decisionibus Dicasterii Jenensis Decis. 993 , [1700]. 10 Judicium:
Catholici cuiusdam j u d i c i u m , 1702. 18 Grammatica: nicht ermittelt. 18 f. Theologiam:
nicht ermittelt. 21–24 Bibliotheca . . . fructu: H. von der Hardt, seit 1688 mit der Aufsicht über die
privaten Büchersammlungen Herzog Rudolf Augusts in Braunschweig und Hedwigsburg ( ” Bibliotheca
Rudolphea‘‘) betraut und seit Juni 1700 auch Oberbibliothekar der Universität Helmstedt, erhielt 1702
den Auftrag, wesentliche Teile der Privatbibliotheken des Herzogs der Universitätsbibliothek zu inkorporieren.
Vgl. dazu H. v. d. Hardt, Memorabilia Rudolpheae Novae Helmstadiensis Bibliothecae donatae,
1702.
29. 11. 2006