Leibniz, Akademie-Ausgabe, Bd. I, 20 - Gottfried Wilhelm Leibniz ...

N. 474 ii. allgemeiner und gelehrter briefwechsel 1701–1702 831
humanitate Tua summa usus dicam; id generaliter praefatus, mihi potissimum curam
esse eorum, quae gesta sunt a tempore Caroli M. usque ad Ottonem IV. vel Fridericum
II Imperatorem, sive ab anno Christi 800 usque ad annum 1200 vel paulo ante et
paulo post, minus etiam a me aestimari scriptores, qui aliquid post annum 1300 scriptis
consignarunt, cum valde soleant esse fabulosi, nisi cum res sui temporis attingunt; ut 5
apparet ex Ptolomaeo Lucensi (qui est editus)[,] ex Galvaneo Flamma (cujus quaedam
excerpta vidi) aliisque similibus. Merentur tamen inspici interdum, quoniam subinde aliquid
sani aspergunt, sumtum ex chartulariis vel ex scriptoribus antiquioribus, qui hodie
non extant. Et tales quoque operae pretium esset consuli, potissimum circa tempora
Ottonum trium et Henricorum quae satis in obscuro latent. Imprimisque mea interesset 10
nosse qui temporibus Henrici Sancti marchiones et principes in Longobardia[,] Liguria
et Tuscia florebant circa Mediolanum, Ferraram, Patavium, Januam, Lucam et Lunam,
imprimis qui Hugones, Azones, Oberti vel Huberti, Alberici, Alberti et Opizzones, item
Azelini vel Actiolini dicebantur; et speciatim qui auxilio fuerunt Arduino Regi et qui
pulsi fuere, vel nonnihil depressi ab Henrico Sancto quibus et ablata quaedam praedia 15
ad Ecclesiam Mediolanensem aliasque Ecclesias pervenere. Ideo generatim optem eos qui
res Mediolanenses aliarumque Ecclesiarum tractant circa ea tempora consuli. Hinc etiam
poterunt melius discerni diversae familiae principum quae a scriptoribus, praesertim a
Pigna et similibus confunduntur. Interim tamen nonnulla alia attingam, quae faciunt
ad Historiam, et inquiri merentur. Itaque subjicio indiculum eorum, quos ex indice Tuo 20
magis prodesse posse judicavi, et quaenam de illis doceri optarem; non eo tamen animo
ut tantum laboris a Te postulem, sed ut si quid forte de iis jam tum Tibi notum est,
aut facile constare potest[,] indicare velis. Interim voluminis privilegiorum et Arnulphi
descriptionem maturari peto, omni studio daturus operam, ut eum, quem nobis exhibes
favorem demereri reapse, nec pro collato in me beneficio ingratus dici possim. 25
His scriptis intellexi jamdudum favore Tuo obtentum Arnulphi exemplum Venetias
ad Dn. Zanicellum Agentem illic nostrum, esse missum. Itaque spero ad nos rite perventurum,
et jam tum Tibi ingentes gratias ago, relaturus etiam ex debito, nam et sumtus
describendi refundere oportet, et reliquuus favor grati animi significationem efficacem
6 editus: Tolomeo da Lucca, Annales, 1619. 7 excerpta: nicht ermittelt. 14–16 et speciatim
. . . pervenere: vgl. N. 154 u. Erl. 19 Pigna: G. B. Pigna, Historia de principi di Este, 1570.
20 indiculum: N. 475. 23 voluminis privilegiorum: das S. 832 Z. 1 erwähnte ” Sigonianum volumen‘‘;
vgl. dazu N. 228. 26 favore Tuo: vgl. dazu I, 17 N. 313. 26 exemplum: die Vorlage zum Abdruck
von Arnulphus von Mailand, Liber gestorum recentium, in: Leibniz, Script. rer. Brunsv., T. 3, 1711,
S. 727–746 (nicht gefunden). 27 Zanicellum: G. B. Zanovello.
29. 11. 2006