nalgures - Asociación Cultural de Estudios Históricos de Galicia

Carlos Pereira Martínez
Imos facer un repaso dos bens da bailía de Sanfiz comezando polas súas igrexas. Retomando
as que figuran na Concordia feita co bispo don Miguel en 1244, pertencían a esta bailía as
seguintes: Marzán 47 , San Xoán de Apregación 48 , Carteire, onde, lembremos, existira un
mosteiro altomedieval moi relacionado con Sanfiz 49 , e a sé da bailía, Sanfiz do Ermo 50 . Igualmente,
aínda que pertencendo á actual provincia de Pontevedra, estaría a igrexa denominada
Vasadra 51 . Quizais tamén pertencía a Sanfiz, como xa afirmamos ao estudar Canabal, San
Sadurniño de Bacorelle, no concello de Paradela.
No documento non se menciona San Vicenzo de Vilamerelle, Guntín (Lugo), mais si se
demostra que lles pertencía nunha Concordia do ano 1227 co mosteiro de Ferreira de Pallares 52 .
Outros autores tamén queren ver unha filiación templaria na igrexa de San Cosme de Rocha,
en Friol (Lugo), falándonos de restos “de una antigua casa-convento” 53 , pero non hai confirmación
documental.
Volvendo á igrexa de Vasadra que, como xa vimos, temos identificado con Santa María de
Basadre, sabemos que estaba na comarca de Ventosa. Cando estudamos, noutro lugar, a
bailía de Faro, facíamos referencia ao documento no que se facía doazón ao hospital de
Sancti Spiritus de Melide das posesións que os templarios posuíran en Melide, Abeancos e
Ventosa, dicindo entón que, aínda que puñamos como pertencentes a Faro as posesión dos
dous primeiros lugares, tampouco tiñamos completa seguridade. Polo tanto, deixamos aberta
a posibilidade de que as propiedades de Melide e Abeancos puideran ter dependido de Sanfiz,
aínda que en data serodia, sobre todo pola proximidade xeográfica.
47 Santa María de Marzán, Monterroso, LUGO.
48 Seoane de Apregación, Friol, LUGO.
49 Santa María de Carteire, Palas de Rei, LUGO.
50 Non sabemos se nese momento era parroquia. Na actualidade pertence a Santiago de Entrambasaguas, Guntín, LUGO.
51 Nos indentificámola con Santa María de Basadre, Agolada (Pontevedra). Martínez Díez, op. cit., páx. 76, coida que se refire
a Ladra, freguesía de San Salvador de Ladra, Vilalba, Lugo. Ao nos xuízo, a súa localización é errónea, xa que nos situaría
esta igrexa en terras moi afastadas do lugar de Sanfiz, mentres que Basadre está relativamente próxima, e nunha zona
(Melide, Abeancos, Ventosa), de documentados asentamentos templarios. Cremos que estamos na razón polo que nos aporta
o Libro Becerro do mosteiro de Sancti Spíritus de Melide, no que aparece esta referencia:
“Este coto De Basadre (según consta De los papeles que citare Del) fue De TempLarios; y su mug.e [maxestade?] La
Devio de dar al conde De lemos; y despues el conde Don Pedro Lo dio a este, convento, y hospital, Juntamente, Con el
lugar De Vilanoba en los angeles, y con casas en Millid, y en Tierra de abeancos, y de bentosa, Toda La acienda que tenia
la orden Del Temple, que asi lo Dice la donacion; y despues el convento Tubo pleyto Sobre Deste coto, con basco gomez
das seyxas, y sobre Toda la acienda que abia dado el conde de lemos Juntamente con el coto, y salio La sentencia en fabor
Del convento en santiago, por el Arcobispo, y por el arcediano de carrion, y esta en el Libro prº f 14 un tanto Desta
sentencia, y inserta en ella estan La donacion del conde Don Pº y una confirmacion que despues hico della, y rebocacion
de la quehabia hecho a Basco gomez das seyxas; mas estan insertos en ella La posesion que tomo el convento deste coro
y del lugar De vilanoba, en nombre de la mas acienda que diera el conde Tambien incluye un privilegio Del Rey Don
enrrique, en que confirmo La donación...”. (María Dolores Primo Barja e Xosé Manuel Broz Rei: “Libro Becerro do
convento franciscano de Sancti Spiritus de Melide (continuación)”, Boletín do Centro de Estudios Melidenses, 11 (1998),
pp: 248-271, páx. 259).
52 Rey Caiña, “Benedictinos..”, páxs. 243-245.
53 Diccionario Madoz, vol. V, páx. 1156. Tamén recolle esta filiación Ángel Martínez Fernándes de la Vega, Friol, León, 1990,
páx. 127.
250 NALGURES • TOMO II • AÑO 2005