nalgures - Asociación Cultural de Estudios Históricos de Galicia

lembranza dunha cidade asolagada, onde tamén é crenza que antes do amencer pódese oíren
o tanguido das campás baixo as augas.
Para rematar esta lista, cumpre sinalar que na comarca de Ferrol atópase a lagoa litoral da
Frouxeira, á beira do areal do mesmo nome, É moi ampla aínda que de escasa profundidade
pola colmatación sufrida, sendo alimentada pola auga doce dos regatos Vilar e Castro 82 . A
lagoa –cantada polo trovador medieval Fernando de Esquío e o poeta novecentista Emiliano
Balás, e lembrada, como Doniños, pola poeta do porto de Lorref, Xohana Torres– sitúase
dentro do concello de Valdoviño, sendo un dos máis interesantes ecosistemas litorais de
Galicia, cunha peculiar configuración do seu habitat que inclúe unha mestura de agua salgada
e doce e unha vexetación propia das dunas e das marismas. A súa ampla área protexida
pola lexislación pode chegar a albergar na invernada varios milleiros de aves acuáticas
migratorias.
A pesares de que tamén neste ocasión rexístrase a presencia dos restos dun castro costeiro
nas súas proximidades –situado nun dos cantís de Punta Frouxeira– e maila ter a mesma
orixe xeomorfolóxica que a lagoa de Doniños, hoxe non queda ningunha lenda verbo dalgunha
cidade asolagada que tivese relación coa lagoa da Frouxeira ou, caso de habela, desapareceu
tempo atrás do folclore e da memoria histórica dos seus veciños, posiblemente remarcado
polo feito de tratarse dunha zona turística con recentes edificacións coa presencia de
“venideiros” ou novos veciños que non teñen raizame no lugar.
82 Asociación Néboa. As lagoas costeiras. En: Medio Ambiente. Neda, 2000.
A Lagoa de Doniños en Ferrol e as lendas de cidades asolagadas
NALGURES • TOMO II • AÑO 2005 367