nalgures - Asociación Cultural de Estudios Históricos de Galicia

Carlos Pereira Martínez
– 1310, abril, 15: Comendador: Gomecio; Freires: Petro de Mourión, Petro, chamado
Nigro 82 .
– Finais de abril de 1310: Comendador: Gil Gato 83 .
2.7. Outras posesións templarias no sur da provincia de Lugo 84
A parte de todo o que levamos mencionado, hai outro lugar, na provincia de Lugo, que non
podemos relacionar coas bailías que vimos de estudar, que tivo que pertencer aos templarios
(logo foi dos hospitalarios) como o lugar chamado Temple, na freguesía de San Xoán
do Padornelo, concello de Pedrafita do Cebreiro, que, ao noso xuízo, dependería de Ponferrada
85 , o mesmo que a igrexa de San Xoán de Mosteiro, no concello de Cervantes, da cal
se di “fué parte de un antiguo monasterio de templarios”, sen ningún dado documental que
o ratifique 86 .
3. Bailía de Neira
3.1. A chegada dos templarios a Neira
Se, en xeral, cérnese sobre as bailías templarias galegas un certo escurantismo, froito da
escasa documentación da que se dispón, respecto da bailía que agora imos estudar, Neira,
tales negativas circunstancias agrávanse. Abonda con dicir que xa só tentar localizala ten de
por si un importante mérito.
A única noticia que, polo momento, coñecemos sobre a bailía de Neira data nada menos que
do ano 1310, é dicir, de cando se celebran os interrogatorios que han levar, pese a absolución
no Concilio de Salamanca, á desaparición da Orde do Temple por decreto de Clemente V
aprobado no Concilio de Vienne.
Que nós saibamos, só Carlos Estepa e Gonzalo Martínez teñen proposto unha localización
xeográfica desta bailía. O primeiro investigador, cando analiza o reparto dos despoxos tem-
82 Javierre Mur, “Aportación...”, páx. 76.
83 Martínez Díez, op. cit., páx. 229.
84 Referímonos agora só ao sur da provincia. Na diocese de Mondoñedo existía a encomenda de San Sadurniño, que tiña
posesións tamén nesta provincia, aínda que no norte, e da que nos temos ocupado noutro lugar.
85 Algúns autores indican que a parroquia pertencería, en tempos máis recentes, á Orde do Hospital. Véxase: A. Losada Díaz e
outro: Guía del Camino Francés en la provincia de Lugo, Madrid, 1966, páx. 25; Luís López Pombo: Concellos de As
Nogais, Pedrafita do Cebreiro, Triacastela. Un recorrido por sus parroquias, Lugo, s/a, páxs. 86, 98, 176; Elías Valiña
Sampedro: El Camino de Santiago. Estudio histórico-jurídico, 2ª ed., Lugo, 1990, páx. 184.
86 Diccionario Madoz, vol. IV, páx. 853; Antonio Doval Adán: voz “Cervantes”, en AAVV: Galicia pueblo a pueblo, A Coruña,
1994, páx. 367.
256 NALGURES • TOMO II • AÑO 2005