nalgures - Asociación Cultural de Estudios Históricos de Galicia

A Orde do Temple na provincia de Lugo
Dizen los antiguos y hallase en memorias antiquísimas, que en esta Casa solia de primero estar
un Monasterio de la Orden de los Templarios. Y de aqui vinieron los Condes, o marqueses
antecesores a dexar a esta casa, y Monasterio el lugar de la Veyga de arriba, y el lugar de
Celeyros, y otro lugar en Celtegos, con jurisdicción, y vasallos 99 .
Hai autores que pensan que igrexas localizadas preto de Neira, como Santa María de
Constantín 100 , puideron ser dos templarios, aínda que está documentado que pertenceu á
Orde do Hospital 101 .
Respecto dos dereitos señoriais e eclesiásticos, así como ao nome dos irmáns que vivían na
bailía, remitímonos ao estudo de Canabal.
Como conclusión, pensamos que esta bailía, pola documentación que polo de agora
manexamos, foi de escasa importancia, limitándose a xestionar algunhas posesións dispersas
que dende Canabal era máis dificultoso. Mais a súa localización é interesante dende o
punto de vista estratéxico, xa que esta situada a carón do camiño de Ourense a Lugo e moi
preto do “Camiño Francés” a Compostela, que pasaba por Sarria. Polo tanto, as súas funcións
estarían relacionadas, aparte da xestión dos escasos recursos económicos, coa protección
dos peregrinos que pasaban por estas terras.
99 López Arias, op. cit., páxs. 231-232, que o toma do fraile mercedario Tomás de Herrera: Historia del convento de S. Agustín
de Salamanca, Madrid, 1652.
100 Diccionario Madoz, vol. III, páx. 439.
101 A.H.N., OOMM, San Juan, Inventario nº 121, fols. 40v-51r. Documento de xaneiro de 1232.
NALGURES • TOMO II • AÑO 2005 259