Yüklə - Azərbaycan Tarixi Portalı

tacirlərin rolu artır. Şəhərin və ölkənin bütün daxili və xarici ticarəti onların əlində
cəmlənmişdi. Bakı Xəzər dənizində mühüm liman idi. Buradan tranzit dəniz yolu ilə
Avropaya, Rusiyaya və digər ölkələrə başlıca olaraq Şamaxı ipəyi və başqa sənətkarlıq
məmulatları daşınırdı. Bakının feodal inkişafı XVII əsrin sonlarınadək davam etmişdir.
Bundan sonra nəinki təkcə Azərbaycanda, eləcə də bütün Ön Asiya ölkələrində mövcud
olan şəhər həyatının tənəzzülü müşahidə edilir.
Bakıda şəhər həyatının XVIII əsrin birinci yarısı ərzində davam edən
düşkünlüyü təkcə ticarət yollarının dəyişməsi, feodal ara müharibələri və ölkənin
dağılması ilə deyil, həm də Şərqdə odlu silahın yayılması və neftin hərbi texnikada
istifadə olunmasına ehtiyacın aradan qalxması ilə bağlı neft ixracının azalması ilə izah
edilir. XVIII əsrin ikinci yarısında Bakıda şəhər həyatının və ticarətinin bir qədər
dirçəlməsi müşahidə olunur. Bakı xanlığı 1806-cı ildə çarizm tərəfindən işğal
olunduqdan, xarici və daxili müharibələrə son qoyulduqdan sonra və bir sıra digər
amillərlə əlaqədar məhsuldar qüvvələrin artmasına, kapitalist münasibətlərinin
inkişafına və ölkədə neft sənayesinin yüksəlişinə əlverişli zəmin yarandı.
237