Yüklə - Azərbaycan Tarixi Portalı

Əlavə 2
A.Bakıxanov əfşar-türk tayfasından olan iri feodal Aşur xan haqqında məlumat
verərək yazır ki, Azərbaycan sərdarı Aşur xan özünü Hüseyn şahın oğlu kimi qələmə
verən fırıldaqçı Sam Mirzə ilə mübarizə aparmaq üçün Fətəli xan Əfşarla birgə öz
qoşunu ilə İrəvandan getdi. H.l 155 (1743)-ci il dekabrın 24-də qazıqumuqlu Surxay
xanın oğlu Məhəmməd ləzgi və Şirvan qeyri-nizami qoşun dəstələri ilə Aşur xanı və
Fətəli xanı Ağsu şəhərinin yaxınlığındakı şah bağının yanında qarşıladı. Burada döyüş
başladı. Fətəli xan və Aşur xan düşmənə qalib gəldilər. Məhəmməd 1000 nəfərə yaxın
itki və əsir verərək yaralı halda Dağıstana qaçdı. Sam Mirzə isə Gürcüstana çəkildi. Bu
qələbədən sonra Aşur xan və Fətəli xan az sayda ləzginin sığındığı Ağsu şəhərini
mühasirəyə aldılar və bir neçə gündən sonra ələ keçirib talan etdilər. Aşur xan nəslinin
1743-cü ilə aid ailə xronikasında daha sonra xəbər verilir ki, Nadir şah Abşeronda üç
kəndi - Sabunçu, Zabrat və Keşlə kəndlərini Aşur xana bağışlamış, vilayətdə asayişə
nəzarət etməyi və onu düşmənlərdən qorumağı ona tapşırmışdı. Beləliklə, həmin
neftverən torpaqlar, Aşur xanın rus çarizmi A zərbaycanı işğal etdikdən sonra rus
inzibati orqanları tərəfindən Aşurbəyovlar soyadı ilə zadəgan nəsli kimi qeydə alınan
törəmələrinin mülkiyyəti kimi təsbit olunmuşdur. Aşur xan nəslinin 1743-cü ildən bəri
şəcərəsini (Nabat xanım istisna olmaqla, ancaq kişi nəslinin) veririk.
240