udhezues letersia 11

Udhëzues për tekstin “Gjuha shqipe dhe Letërsia 11”
Përshkrimi bindës (argumentues)
Reklamë
Përshëndetje,
Ndërmarrja jonë ka fi lluar ndërtimin e kompleksit të ri banesor-afarist në lagjen “Jeta e re”, në
Prishtinë, ku do të ketë 96 banesa me madhësi të ndryshme, si dhe lokale në katin përdhes (të
gjitha lokalet, si dhe 24 banesa janë shitur deri më sot). Kjo lagje është e qetë dhe e pastër dhe,
po ashtu, nuk është larg qendrës aktuale (të pjesës së vjetër të Prishtinës)... Vendi ku po ndërtohet
ky kompleks banesor-afarist ka afër shkollën fillore, si dhe çerdhen e fëmijëve, por nuk i ka larg as
spitalet, arkivin, si dhe Fakultetin Teknik. Banesat po ndërtohen me leje ndërtimore nga komuna e
Prishtinës, si dhe me standard të klasit të parë sa i përket ndërtimit, qëndrueshmërisë ndaj tërmeteve,
materialeve që përdoren (të gjitha me atest), si dhe pajisjeve në objekte dhe në banesa veç e veç.
Kompleksi përbëhet prej tri objekteve, si dhe pjesës së përbashkët ku përfshihet parku, kopshti për
fëmijë, parkingu për mysafi rët etj. Çdo banesë do të ketë garazhin përkatës nëntokësor...Dera e
hyrjes do të hapet me videofon nga secila banesë.
Nëse ju vendosni që tani të merrni banesë nga ne dhe, nëse ne nuk e përfundojmë banesën tuaj
ashtu siç e keni kërkuar dhe në datën e përcaktuar në kontratë, atëherë prej datës së caktuar juve
do t’ ju paguhet qiraja për çdo muaj, qoftë edhe për çdo ditë vonesë ...
Përshkrimi i personave
Marrë nga reklama e një fi rme ndërtimi në Prishtinë
Fan S. Noli, si mjeshtër muzike
Fan Noli jo vetëm është i ditur në muzikë, po ka zotësinë e rrallë të stërvitë të tjerë në atë mjeshtëri
të bukur, dhe t’i stërvitë në pak kohë. Ç’humbje për Shqipërinë, që njeriu të atillë nuk i jepet rasti
të organizojë stërvitjen muzikale të popullit në shkolla të vendit! Ç’humbje që nuk i jepet rast të
organizojë një universitet popullor në Shqipëri, në Shqipëri ku njerëz të pjekur të venë një a dy orë të
stërviten ! Fan Noli është hequr nga politika edhe më tepër sesa jam hequr unë, kuptohet se një njeri
i mendjes ka nevojë për siguri dhe dinjitet. Po t’i japësh këto, do të ishte një fi tim për Shqipërinë.
...Atë Noli do të mbetet në histori të Shqipërisë si burri që arriti i pari, me hir të vullnetit dhe të
hollësisë së tij, të këllasi zyrtarisht gjuhën shqip në meshë. Dita që mëshoi për të parën herë është një
ogur i bardhë në udhë të përparimit tonë. Dhe as e harrojmë, as mund të lëmë të tjerët të harrojnë.
Leshzi, me sy të mprehtë, një fi zionomi të qeshur, gati të presë një shaka dhe ta kthejë me uzurë,
mendje hapur, njohës i gjuhëve romane dhe skandinave, atë Noli nga kultura , nga mendësia dhe
karakteri i tij më kujton shpesh kishtarët e Përlindjes italiane.
Marrë nga Faik Konica, Vepra, faqe 85
Shënim. Titujt e fragmenteve janë vënë nga redaksia.
Konceptet kryesore: tekst përshkrues, përshkrim objektiv, përshkrimi subjektiv,
përshkrim shprehës, bindës, informues.
Struktura e mësimit
Fazat e strukturës Strategjitë mësimore Veprimtaritë Organizimi i nxënësve
Parashikimi Diskutim i njohurive paraprake Diskutim i ideve Punë në grupe
Ndërtimi i njohurive Mbajtja e strukturuar e shënimeve Të mësuarit ndërveprues Punë në grupe
Përforcimi Rishikim në dyshe Ndërtim i shprehive studimore Punë në dyshe
113