udhezues letersia 11

Udhëzues për tekstin “Gjuha shqipe dhe Letërsia 11”
Më pas mësuesi/ja u sugjeron nxënësve të lexojnë me vëmendje tekstin e dhënë në krye
të faqes 108 dhe ta kodojnë atë, duke vënë në dukje elementet e tekstit argumentues.
- O - teza (e shoqëruar me veprime të atij që jep opinionin /pohon)
Autori ynë është bir i Shqipërisë së Veriut...
- ⊕ - argumentet (faktet me të cilat autori mbron tezën, argumenton)
Shihet pastaj se në gjuhën e tij autori është ngritur në njëfarë koineje...
- ∅ - antiteza/kundërshtimet (faktet me të cilat autori kundërshton këndvështrimet e
tjera, që mendon se mund të jetë kundër tezës së tij/ kundërshton)
Nuk është e pamundur që vendi i tij i lindjes të ngrihet në një krahinë që
ka mbetur jashtë kufi jve të Shqipërisë së sotme...
- ⊗ - kundërshtimi i antitezës
Një gjë që na duket me rëndësi metodike në këtë mes është kjo: që
përkatësia dialektore e gjuhës së veprës...
Mësuesi/ja saktëson në fund se, kur shkruajmë një tekst argumentues, kryejmë
katër veprime:
a. pohojmë
b. argumentojmë
c. kundërshtojmë
ç. pranojmë
Nxënësve u kërkohet të lexojnë tekstin e ushtrimit 1, f.119 dhe të dallojnë katër
veprimet që e bëjnë atë tekst argumentues.
Mësuesi/ja u jep nxënësve të lexojnë në dyshe dy tekste (tekste model) dhe të
përcaktojnë llojet e argumenteve në tabelën e mëposhtme:
Argumente që mbështeten në fakte
Argumente që mbështeten në opinione
Diskutim i lirë mbi këto çështje
Përforcimi: Rishikim në dyshe
Nxënësit punojnë në dyshe ushtrimin 5.
Model përgjigjeje:
Ushtrimi 5
Problemet që kërkon të përcaktohen mund të jenë:
a) A është i domosdoshëm mësimi i gjuhëve të huaja, për të ushtruar profesione
prestigjioze?(po –pse?, jo –pse?)
b) A e ka zënë gruaja vendin që duhet në shoqërinë bashkëkohore?
c) A e gëzojnë lirinë e plotë të fjalës qytetarët, përfshirë edhe pakicat, në një shoqëri
demokratike?
Në përcaktimin e problemit do mbajtur parasysh që pyetja e ngritur të marrë si përgjigje
PO ose JO. Po-ja supozon tezën, e cila që të mbrohet do argumente, kurse Jo-ja
supozon antitezën, e cila që të kundërshtohet, përsëri kërkon kundërargumente.
Në fund mësuesi/ja nxjerr përfundimet e orës mësimore dhe vlerëson nxënësit me notë.
Detyrë shtëpie. 1. Ushtrimi 6, faqe 120.
2. Analizoni procesin e të shkruarit të një teksti argumentues.
158