udhezues letersia 11

Udhëzues për tekstin “Gjuha shqipe dhe Letërsia 11”
(Fjali dëftore)
Për t’ia arrijtur kësaj dite të bardhë e të madhe, na ka ndihmuar gjaku i dëshmorëvet
dhe puna e vlefshme e patriotëve t’anë dhe e të gjithë shokëve që muarrnë pjesë në
këtë mbledhje dhe e të gjithë juve, që tani po ju gufon zemëra nga gazi i madh që ndieni;
mirëpo mbledhja si më plak që jam, m’a ngarkoi mua ngritjen e shënjtë të shënjës
t’onë Kombëtare, të flamurit t’onë të ëndërruar e të dashur (nxjerr Flamurin, të cilin e
ka të vendosur në një shtizë hekuri, natyrisht të vogël, dhe të pshehur nën pallto dhe
pasi e mba një sekondë në dorë e ngul në shtyllat e ballkonit. Amatorët, posa e shohin
Flamurin, thërrasin me gëzim e me zë të lartë:
(Fjali dëshirore)
Rroftë Flamuri, Rroftë Shqipërija e Lirë).
(Fjali dëftore)
Ja, pra, ky është Flamuri Ynë i kuq e me shqiponjën dykrenare të zezë në mes.
Fjali nxitëse
Dhe tani, të gjithë bashkë, si një trup i tërë dhe i pandarë, le të punojmë për t’a
mburuar, për t’a përparuar e për t’a qytetëruar si i ka hije Atdhenë t’onë të Lirë.
Tuke përfunduar, s’më mbetet gjë, veçse t’i drejtoj një lutje Zotit të Madh, që, bashkë
me bekimet e Tij që i lipij të na japë për të qenë të denjë të kësaj dite, të pranojë që këtej
e tutje të jem unë dëshmori më i parë i Atdheut, ashtu siç pata nderin dhe fatin që të jem
i pari ta puth e ta bëj të valvitet i Lirë, Flamuri i ynë, n’atdhenë t’onë të lirë.
Rroftë Flamuri!
Grupi i dytë: Leksiku, përdorimi i emrave dhe mbiemrave, epitetet etj. (nga fjalimi i A.
Zogut, ditën e shpalljes mbret) (Shërbyesin e palodhur të Atdheut, detyrën e rëndë dhe
të naltë të shtetit, bashkëpunëtor të ideali të përbashkët, përgjegjësi morale, popullin
trim shqiptar, detyrën e shenjtë, populli Sovran, fjalët e nalta të krenave…)
Përemrat japin informacion për pozicionin e folësit me publikun:
(Ju drejtohem, unë, bijtë e Shqipërisë, tregojmë, paguajmë, shpresojmë, shtyjmë,
mbaroni, keni vënë, të ktheheni në vendet tueja, keni për ta gjetur.)
Mbiemrat dhe epitetet shërbejnë për të treguar gjendjen emocionale: shëmbëlltyrën
besnike, sheshin e qytetëruar, fjalët e nalta të krenave të ndershëm të stolisur me
kunorë...
Grupi i tretë: Identifi kon veçori e terminologjisë së përdorur në fjalim:
fusha semantike: - (kryesinë e shtetit shqiptar, një faktor paqësor, relacionet që
ekzistojnë sot me shtetet fqinje, të drejtat kombëtare, për t’ia arritur qëllimit të lartë, atë
ideal që na ka falur natyra e na ka shënuar historia…)
Grupi i katërt: Analizon stilin e ndërtimit të fjalimeve politike: gjuha e folur jep
informacion mbi origjinën e folësit (Mbretit Zog), po ashtu dhe stili zyrtar: “fjalët e nalta
të krenave të ndershëm të stolisur me kunorë... Në regjimin e ri Shqipëria ka për të qenë
një faktor paqësor në Ballkan etj).
Grupi i pestë: Referon disa njohuri që kanë të bëjnë me fushë e retorikës.
Hyrja: Zotni kryetar dhe asamblista,
Në mesazhin që ju drejtova para disa ditëve, duke ju uruar sukses ju etërve të kombit..
Teza e parë: Nëse në fjalimin tim nuk do të gjeni fjalët... Do të veproj duke marrë
parasysh përgjegjësinë morale, të cilën herët a vonë do ta çmojë populli shqiptar për
lartësimin e vendit.
Teza e dytë (folësi paraqet vizionin e tij): Bota e ka marrë vesh se po të lihen të qetë
bijtë e shqipes, mund të krijojnë shtet… është pasuria e gjithë dhe ideali i botës mbarë.
165