udhezues letersia 11

Udhëzues për tekstin “Gjuha shqipe dhe Letërsia 11”
Konceptet kryesore: kronika, kronika subjektive, kronika objektive, stili i kronikës, struktura e kronikës.
Struktura mësimore:
Fazat e strukturës Strategjitë mësimore Veprimtaritë Organizimi i nxënësve
Parashikimi Pyetje përgjigje Diskutim i ideve Punë me klasën
Ndërtimi i njohurive Lexim dhe pyetje Të mësuarit ndërveprues Punë në dyshe
Përforcimi Diagrami i Venit Ndërtim i shprehive studimore Punë në dyshe
Parashikimi. Pyetje përgjigje, diskutim i lirë
Mësuesi/ja e nis mësimin duke u shpërndarë nxënësve dy lloje tekstesh: një kronikë
subjektive dhe një objektive. (Mësuesi/ja mund të shfrytëzojë tekstin e kronikës në librin
e nxënësit dhe kronikat e dhëna në rubrikën materiale dhe mjete mësimore).
Për të identifi kuar llojin e kronikës drejtohen pyetje të tilla:
- Ç’lloj tekstesh janë?
- Ç’bëjnë këto lloj tekstesh?
- Çfarë rrëfejnë?
- Si i rrëfejnë?
Me përgjigjet e nxënësve ndërtohet grafi ku harta e mendjes, ku përmblidhen disa nga
veçoritë e kronikës.
tekst rrëfyes joletrar
fakte janë me interes për lexuesin
jep fakte nga realiteti
objektive/subjektive
renditen kronologjikisht
Kronika
fakte të hollësishme
u jep përgjigje pyetjeve:
Kush, çfarë, ku, kur, pse
Mësuesi/ja përqendron vëmendjen tek pohimi:
“ Paraqet fakte që mund të jenë më interes për lexuesin.”
- A mund të identifikoni lloje të ndryshme faktesh (ngjarjesh) që i interesojnë lexuesit?
- Ngjarje me karakter të përgjithshëm: kronika e bardhë.
- Ngjarje që trajtojnë aspekte kriminale të shoqërisë: kronika e zezë.
- Ngjarje nga jeta personale e personave të rëndësishëm: kronika rozë.
- Ngjarje nga proceset gjyqësore: kronika gjyqësore.
- A mund të identifi koni në kronikat që ju keni sjellë elemente të tillë?
Ndërtimi i njohurive. Lexim dhe pyetje.
Është një veprimtari ku nxënësit punojnë në dyshe.
Nxënësit lexojnë me radhë pjesë të caktuara të
mësimit dhe shkruajnë anash tekstit çështjet (faktet,
konceptet) kryesore. Pasi mbaron së lexuari nxënësi i
parë, i dyti i bën pyetje rreth tekstit. Pyetjet i shënojnë
në skeda letre dhe ,nëse nxënësi i dytë bie dakord me
përgjigjen, e shkruajnë atë në skedën e pyetjes. Pas
kësaj shkëmbehen rolet.
79