udhezues letersia 11

Udhëzues për tekstin “Gjuha shqipe dhe Letërsia 11”
Strategjitë e të shkruarit
Tema
12.
Përmbledhja
Objektivat: Në fund të orës së mësimit nxënësi të jetë i aftë:
• të identifi kojë teknikat e përmbledhjes së tekstit;
• të shpjegojë konceptin e përmbledhjes dhe mënyrën e realizimit të saj;
• të analizojë teknikat e përmbledhjes së një teksti;
• të evidentojë ndryshimin e përmbledhjes së tekstit nga ana grafi ke;
• të përmbledhë në disa hapa tekste të llojeve të ndryshme.
Materialet dhe mjetet mësimore: teksti “Gjuha shqipe dhe letërsia 11”, lloje të
ndryshme përmbledhjesh, shkumësa me ngjyra, tabela.
Konceptet kryesore: përmbledhje, karakteristika të përmbledhjes, teknika të
përmbledhjes.
Struktura mësimore:
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Përvijim i të menduarit Diskutim i ideve Punë me klasën
Ndërtimi i njohurive Lexim/Përmbledhje në dyshe Të mësuarit ndërveprues Punë në dyshe
Përforcimi Rishikim në dyshe Ndërtim i shprehive studimore Punë në dyshe
ZHVILLIMI I MËSIMIT
Parashikimi: Përvijimi i të menduarit
Kjo është një teknikë, e cila ndihmon nxënësit
të rikujtojnë njohuritë e marra në klasat
pararendëse me anë të pyetjeve të ndryshme, të
cilat drejtohen nga mësuesi.
Mësuesi/ja e nis mësimin me diskutimin rreth një teksti, të cilin ua shpërndan nxënësve
pasi e ndan klasë në tri grupe dhe u kërkon ta përmbledhin me pak fjalë.
Orfeu ishte një poet mitik grek, i biri i Eagrit dhe i muzës Kaliopi. Ai ishte martuar
me nimfën Euridika. Kënga e tij e shoqëruar me lirë ishte kaq e mrekullueshme, saqë
mallëngjente edhe gurët dhe magjepste bishat e egra. Kur Euridika vdes nga pickimi i një
gjarpri helmues, Orfeu zbret në mbretërinë e të vdekurve dhe me këngën e tij mallëngjeu
Hadin, hyjniun e botës së të vdekurve. Ai lejon ta risjellë Euridikën në botën e të gjallëve,
me kusht që Orfeu të mos e kthente asnjëherë kokën pas për ta parë gruan e tij. Por Orfeu
nuk mundi t’i bënte ballë joshjes për ta parë Euridikën dhe ajo u zhduk menjëherë.
Pas përmbledhjeve të lexuara nga të tria grupet, mësuesi/ja u kërkon nxënësve të
ndajnë përvojat e tyre. Ai/ajo u drejton nxënësve pyetje të tilla si:
- Si vepruat për të realizuar këtë përmbledhje?
- Cilat elemente i hoqët tekstit?
- A ndoqët rregulla të caktuara për të realizuar këtë qëllim?
Ndërtimi i njohurive. Lexim/Përmbledhje në dyshe
Mësuesi/ja përkufi zon bashkë me nxënësit konceptin e përmbledhjes:
Përmbledhja - paraqitje e shkurtuar vetëm me të dhënat thelbësore.
145