udhezues letersia 11

Udhëzues për tekstin “Gjuha shqipe dhe Letërsia 11”
Tema
3. Hapat
për shkrimin
e tekstit
argumentues
Objektivat: Në fund të orës së mësimit nxënësi të jetë i aftë:
• të dallojë hapat nëpër të cilët hartohet shkrimi argumentues;
• të bëjë skemën e ndërtimit të tekstit argumentues;
• të shkruajë një tekst duke përdorur teknikat e shkrimit argumentues;
a. të shkruajë tezën me të cilën do të mbështetë problemin;
b. të japë argumente për ta mbështetur tezën;
c. të parashikojë kundërshtimet në favor të antitezës dhe t’i shkruajë ato;
ç. të nxjerrë përfundimin me një mesazh në favor të tezës.
Materialet dhe mjetet mësimore: teksti “Gjuha shqipe dhe letërsia 11”, lloje të
ndryshme të teksteve argumentuese, shkumësa me ngjyra, tabela.
Konceptet kryesore: procesi i të shkruarit të një teksti argumentues, teknikat e
shkrimit të tekstit argumentues.
Struktura mësimore: PNP
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Përvijimi i të menduarit Diskutim i ideve Punë me klasën
Ndërtimi i njohurive Mbajtja e strukturuar e shënimeve Të mësuarit ndërveprues Punë në dyshe
Përforcimi Shkrim i drejtuar/konkurs Ndërtim i shprehive studimore Punë në grupe
ZHVILLIMI I MËSIMIT
Parashikimi: Përvijimi i të menduarit
Mësuesi/ja e nis mësimin me diskutimin e detyrës së shtëpisë, ushtrimi 6.
Modele përgjigjeje
Teksti 1 - Teza – Njohja sot e sa më shumë gjuhëve të huaja diktohet nga nevojat e tregut të punës.
Duke qenë njohës i tyre, ke hapësira më të mëdha punësimi, si brenda dhe jashtë vendit, si dhe mundësi
të punosh në profesione të vlerësuara.
Teksti 2 - Teza - Roli i gruas në shoqërinë bashkëkohore është një çështje e rrahur gjerësisht si në
vendin tonë, edhe në shoqëritë e zhvilluara. Lidhur me rolin e saj në shoqërinë shqiptare ka mendime
se gruaja sot ka një pozitë të mirë shoqërore, të tjerë mendojnë se ajo ka një vend të veçantë vetëm
brenda shtëpisë, pa qenë e integruar si duhet në jetën shoqërore...
Teksti 3 - Teza - Në shoqërinë demokratike që po ndërtojmë, çdo qytetar duhet të ketë të drejtën
e plotë të fjalës, e drejtë që i sigurohet me kushtetutë. Po a e gëzon me të vërtetë këtë të drejtë?!
Opinionet për këtë argument janë të ndryshme, të para nga këndvështrime të ndryshme sipas grupeve
të interesit. Punonjësit e medies shpesh ndiejnë të ushtrohet presion ndaj tyre...
Pas diskutimit të detyrës së shtëpisë, mësuesi/ja shtron para nxënësve disa pyetje, për të rikujtuar
njohuritë për tekstin argumentues:
- Çfarë strukture ka një tekst argumentues?
- Ç’vend zë teza në tekstin argumentues?
- Ç’është argumenti dhe ç’lidhje ka me tezën?
- Po kundërargumenti me ç’element të tekstit argumentues lidhet?
- Cilët janë hapat që bëjmë për të shkruar një tekst argumentues?
159