udhezues letersia 11

ZHVILLIMI I MËSIMIT
Udhëzues për tekstin “Gjuha shqipe dhe Letërsia 11”
Parashikimi. Mendo/Krijo në dyshe/Diskuto)
Mësuesi/ja e nis mësimin me diskutimin e detyrës së shtëpisë. Nxënësit kanë punuar
me ushtrimet 1, 2, 3 dhe 4 në faqen 119.
Model përgjigjeje:
Ushtrimi 1
Ideja e atij që shkruan - para kohës teknologjike, gjumi dhe zgjimi rregulloheshin
nga drita e diellit.
Përfundimi - Për atë që duhet të punojë ose të udhëtojë natën, është e këshillueshme
të fl ejë të paktën dy orë para...
Argumente në favor të tezës: Sa më të shumta të jenë orët e qëndrimit zgjuar, aq
më shumë zgjatet sasia e gjumit të natës...
Problemi: Sot disa rrinë zgjuar, për shkak të punës, ndaj janë në rritje e sipër çrregullimet
e gjumit, edhe pse njerëzit orvaten t’i plotësojnë duke fjetur më shumë ditën...
Opinione të autoriteteve: Sipas ekspertëve të Qendrës së Gjumit në Gjenovë,
një natë pa gjumë mund të kompensohet normalisht me një gjumë të thellë natën e
mëpasshme, por, nëse mungesa bëhet e vazhdueshme, nuk do të ndreqet kollaj.
Ushtrimi 2
Llojet më të zakonshme të tekstit argumentues janë: eseja argumentuese, debatet,
diskutimet.
Ushtrimi 3
- A jemi të përgatitur sa duhet për jetën?
- Shkollë publike a shkollë private?
- Rruga e gjatë e formimit të gjuhës standarde.
- Skuadër e fortë, por jo e para në klasifi kim.
Ushtrimi 4 . Është një anketë që ka të bëjë me përvojat personale të nxënësve.
Nxënësit e kanë plotësuar në shtëpi. Mësuesi/ja ka parapërgatitur në një tabak letre të
dhënat e anketës dhe duke shtruar çdo pyetje, numërohen përgjigjet, të cilat orientojnë
mësuesin/en për punën e tij të mëtejshme. Kërkesa e parafundit nuk shtrohet për
diskutim, sepse i takon punës me shkrim që do të bëjnë nxënësit në orët e ardhshme.
Mësuesi/ja e lë jo më kot këtë ushtrim për në fund, pasi nga ky ushtrim do të marrë
shkas për të organizuar mësimin dhe drejton pyetje të tilla si:
- Sa e rëndësishme është të njihet struktura e tekstit argumentues?
- A na ndihmon ajo ta kemi më të lehtë të ndërtojmë një tekst argumentues?
Ndërtimi i njohurive. Lexim me kodim teksti
Kjo fazë fi llon duke shtruar pyetjen:
- Cilat janë elementet më të rëndësishme të strukturës së një teksti argumentues?
Argumentet
Teza
Elementet e tekstit argumentues
Antiteza
Kundërshtimet
(kundërshtimi i antitezës)
157