udhezues letersia 11

Udhëzues për tekstin “Gjuha shqipe dhe Letërsia 11”
Tek artikulli i gazetës vëmendja përqendrohet te referenti dhe teksti ka funksion informues.
Grupi III - IV – Tekstet me funksion praktik (tekstet joletrare) dhe tekstet me funksion estetik (tekstet letrare).
- Nxënësit kanë njohuri për llojet e teksteve joletrare dhe letrare. Në klasifi kimin e
dhënë në libër u rikujtohen llojet e teksteve, karakteristikat e tyre dhe cilat janë llojet
e shkrimit që i përdorim në këto lloje tekstesh. Në punën në grup nxënësit duhet të
ilustrojnë me shembuj shkrimesh të ndryshme të njohura prej tyre dhe të vënë në dukje
karakteristikat e dhëna ose të klasifi kojnë tekste që mësuesi/ja ofron, duke argumentuar
klasifi kimin e bërë.
Grupi V - Dallimi mes teksteve letrare dhe joletrare
Pasi nxënësit kanë praktikuar teknikën Lexim/Përmbledhje në dyshe, u kërkohet të
vëzhgojnë cilat nga tekstet e ofruara mbështeten në fakte e cilat në trillim.
- A kanë ato të njëjtat veçori?
Nxënësit evidentojnë dallimet midis tyre me anë të organizuesit grafi k, duke u
mbështetur në qëllimin e tekstit, llojin e tij, karakteristikat dhe llojet e shkrimeve.
Dallimi thelbësor ndërmjet tekstit letrar dhe joletrar është mbizotërimi i trillimit ose i
faktit. Tekstet: artikulli i gazetës, biografi a dhe receta e gatimit mbështeten në fakte, pra,
janë tekste joletrare, kurse poezia dhe përralla mbështeten në trillime, pra, janë tekste
letrare.
Përforcimi. Plotësimi i pjesës së tretë të tabelës DDM.
Pas diskutimit të çështjeve dhe ushtrimit në mënyrë praktike mbi tekste të ndryshme,
mësuesi/ja plotëson së bashku me nxënësit pjesën e tretë të tabelës DDM. Drejton
pyetjen: Çfarë mësuam?
Klasifi kimi i teksteve
Çfarë mësuam?
Klasifi kimi i teksteve na ndihmon të realizojmë më lehtë qëllimet tona si lexues apo si shkrues.
Klasifi kimi mbështetet te funksioni i tyre. Tek tekstet joletrare mbizotëron funksioni praktik, kurse
tek tekstet letrare mbizotëron ai estetik.
Të gjitha llojet e teksteve e realizojnë komunikimin nëpërmjet gjashtë elementeve të skemës
së komunikimit. Në bazë të përqendrimit të vëmendjes te njëri ose tjetri element, teksti realizon
funksione të ndryshme.
Tekstet si me funksion praktik, ashtu dhe me funksion estetik, janë disa llojesh.
Tekstet joletrare nga tekstet letrare dallohen nga njëri-tjetri nga elementi bazë mbi të cilin
ndërtohen: të parat mbështeten te fakti, të dytat tek trillimi.
Mësuesi/ja nxjerr rezultatet e orës dhe vlerëson nxënësit për pjesëmarrjen në mësim
dhe për saktësinë e qartësinë e përgjigjeve.
Detyrë shtëpie. a) Ushtrimi 1, në f. 10.
b) Përzgjidhni dhe sillni në klasë tekste të llojeve të ndryshme, të cilat kanë për qëllim:
të informojnë, të rrëfejnë, të interpretojnë, të udhëzojnë, të argumentojnë.
10