udhezues letersia 11

Udhëzues për tekstin “Gjuha shqipe dhe Letërsia 11”
Struktura e mësimit: PNP
Materialet dhe mjetet mësimore: teksti Gjuha shqipe dhe letërsia 11, fragmente
televizive dhe radiofonike nga interpretime të “Hamletit” në kinematografi dhe teatër.
Konceptet kryesore: hamletizëm, art shekspirian, pikëpyetje hamletiane, tragjizëm
hamletian, dramë brenda dramës.
Fazat e strukturës Strategjitë mësimore Veprimtaritë Organizimi
Parashikimi Hapësira e fjalës Nxitje e diskutimit Punë me klasën
Ndërtimi i njohurive Një pyetje, shumë përgjigje Të nxënit në bashkëpunim Punë në grupe
Përforcimi Diskutim Ndërtimi i shprehjeve studimore Punë me klasën
ZHVILLIMI I MËSIMIT
Parashikimi. Hapësira e fjalës
A e dini se:
- Figurës së Hamletit dhe mesazhit që përcjell tragjedia i janë kushtuar më se 25.000
studime kritiko-letrare?
- Mbi këtë subjekt kanë shprehur mendime Volteri, Kolrixhi, Gëte, Hygo, Dë Stal, D.
Didro, Niçe, Rolan, Tolstoi, T. S. Eliot, Xh. Xhojs, J. Delog, Z. Frojd, E. Xhons.
Personaliteti i shquar shqiptar, Fan Noli, ka pohuar: “Hamleti është piktura më
e pasur dhe më e thellë që ka dalë nga penda e Shekspirit, i cili në fytyrën e tij ka
pikturuar vetveten... Hamleti është dushku më i lartë dhe më i bukur i pyllit shekspirian,
po nuk e shohim veç pasi u copëtua prej rrufesë. Si ka qenë para katastrofës mund
ta imagjinojmë nga gërmadhat e tij madhështore, misterioze dhe tragjike.”
Ismail Kadare thotë: “Ka katër shekuj që pyetjet, dyshimet dhe hamendjet nuk
kanë reshtur kurrë për Hamletin. Shumica e tyre përmblidhen pak a shumë në pyetjen
nëse ajo ngjarje që shohim në skenë mbulon një tjetër. Një tjetër që Shekspiri nuk
mundte, nuk e lanë apo nuk donte ta thoshte. Me fjalë të tjera, jemi përpara një
gjakmarrjeje klasike, nyjë e një kodi të lashtë të pranuar qyshkur prej njerëzimit, apo
përpara një krimi të maskuar si gjakmarrje.”?
268
Ndërtimi i njohurive. Një pyetje, shumë përgjigje.
-A është Hamleti modeli i përjetshëm, që e dërgon pasqyrimin e vet të zbehtë në
botën tonë, teksa vetë rri i fshehur?
Mësuesi/ja ndan klasën në grupe
Grupi I. Analiza e tragjedisë
Subjekti buron nga një sagë daneze e marrë nga Saxo Grammaticusi ose nga
Belleforesti, që rrëfen se si Klaudi vret në gjumë mbretin e Danimarkës, edhe pse e ka
vëlla, martohet me gruan e të vëllait, Gertrudën, dhe ia rrëmben fronin princit Hamlet.
Ndërkaq, princi Hamlet pasi merr vesh lajmin betohet t’ia marrë hakun të atit. Ai shtiret
si marrë, heq dorë nga dashuria për Ofelinë dhe e çon deri në fund hakmarrjen, paçka
se bashkë me fajtorët, gjejnë vdekjen edhe të pafajshmit.
Grupi II. Kryeheroi si fi gurë komplekse.
Stacionet psikologjike nëpër të cilat kalon ngjizja dhe modelimi përfundimtar i
Hamletit.