udhezues letersia 11

Udhëzues për tekstin “Gjuha shqipe dhe Letërsia 11”
Model përgjigjeje
Diskutim i punëve të nxënësve
Në të dyja tablotë kemi portretin e një vajze.
Në tablonë e parë vajza qëndron te dera. Të krijohet përshtypja se ajo është në pritje.
E veshur me veshje tradicionale shqiptare me ngjyrë të bardhë, ato janë dëshmi e
dëlirësisë dhe çiltërsisë vajzërore. Gjithashtu veshja e saj është pasqyrë e ndjenjave
të saj të pastra. Qëndrimi i vajzës te pragu i derës përvijon edhe më shumë aspekte të
karakterit të saj, gjë që përforcohet edhe nga pozicioni i duarve. Shamia e kuqe është
një tjetër element, i cili ndoshta justifi kon pritjen, e ndoshta i referohet asaj që vajza pret
në prag. Dritarja pak e hapur vë në dukje shpresën e vajzës dhe shpreh optimizëm për
atë që do të vijë. E gjithë tabloja jepet në një mjedis tradicional shqiptar me ngjyra të
ngrohta e shumë intimitet.
Në tablonë e dytë kemi të bëjmë përsëri me një portret vajze. Vajza qëndron e ulur
pranë një tavoline. Përpara saj i hapur qëndron një libër dhe mbi të një lule. Pozicioni
i duarve thekson gjendjen e vajzës në meditim. Flokët e gjatë e delikatë janë pjesë e
portretit dhe e karakterit të saj delikat, por ndoshta edhe e ndjenjave të dukshme që
theksohen pikërisht nga këto detaje. Sfondi me ngjyra të ëmbla, si dhe libri e lulja janë
shprehje e dashurisë, që ndoshta vajza është në pritje a në meditim…
Në fund të orës së mësimit mësuesi bën konkluzionet e orës dhe vlerëson nxënësit
me notë.
Detyrë shtëpie.
a) Ushtrimi 7, faqe 87.
b) Parapërgatitni një përshkrim të një vendi. Sillni në klasë përshkrime të ndryshme vendesh.
Tema
4. Përshkrimi i
objekteve
Objektivat: Në fund të orës së mësimit nxënësi të jetë i aftë:
• të përdorë teknikat e shkrimit në përshkrimin e objekteve;
• të dallojë elementet kryesore në përshkrimin e objekteve;
• të bëjë një përshkrim krahasues mes dy objekteve;
• të vëzhgojë pikturën dhe të përshkruajë objektet e saj.
Materialet dhe mjetet mësimore
Teksti “Gjuha shqipe dhe letërsia 11”, lloje të ndryshme tekstesh përshkruese,
shkumësa me ngjyra, tabela.
Përshkrimi i objekteve
Pianoja është instrument muzikor që luhet me ndihmën e tastierës dhe që prodhon
tinguj duke prekur telat e çelikut me çekiçë me mbështjellje prej shajaku. Çekiçët
kthehen menjëherë dhe lejojnë telat që të vazhdojnë dridhjen e tyre në një rezonancë
frekuence. Këto dridhje janë transmetuar nëpërmjet materialit të saj prej një dërrase që
e zmadhon atë.
Fjala piano është shkurtuar nga fjala “pianoforte”, e cila vjen nga emri italian
origjinal i instrumentit “clavicembalo col piano e forte”. Kjo i referohet përgjegjësisë së
instrumentit, i cili i lejon pianistit të prodhojë nota me dinamikë të ndryshme në varësi
nga fortësia e shtypjes së tastit.
127