udhezues letersia 11

Teksti argumentues
Udhëzues për tekstin “Gjuha shqipe dhe Letërsia 11”
Tema
5-6. Fjalimi
politik (2 orë)
Objektiva: Në fund të orës së mësimit nxënësi të jetë i aftë:
• të përdorë teknikat e shkrimit në një fjalim politik;
• të analizojë elementet gjuhësore në një fjalim politik;
• të shkruajë një fjalim me temë të zgjedhur prej tij.
Materialet dhe mjetet mësimore: teksti “Gjuha shqipe dhe letërsia 11”, lloje të
ndryshme të teksteve argumentuese, shkumësa me ngjyra, tabela.
Konceptet kryesore: fjalimi politik, teknika të shkrimit të një fjalimi politik, elemente
gjuhësore të një fjalimi politik.
Struktura mësimore: PNP
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Përmbledhje e strukturuar Diskutim i ideve Punë me klasën
Ndërtimi i njohurive Të nxënit me këmbime Të mësuarit ndërveprues Punë në grupe
Përforcimi Shkrimi i lirë Ndërtim i shprehive studimore Punë individuale
Materiale shtesë
Fjalimi mbi gjendjen e vendit
Nga Presidenti Obama
Ndërtesa e Kongresit të Shteteve të Bashkuara
Uashington D.C.
21:12 EST
Ju faleminderit të gjithëve!
Kryetar i Kongresit, zëvendëspresidenti Çeni, anëtarë të Kongresit, anëtarë të Gjykatës së Lartë
dhe të trupave diplomatikë, miq të nderuar dhe bashkëqytetarë,
... Sa herë që jam përpara këtij podiumi, unë jam i prekur nga privilegji dhe i vetëdijshëm për
historinë që kemi përjetuar së bashku. Ne jemi mbledhur në ndërtesën e Kongresit në momente të
zisë kombëtare dhe të arritjeve kombëtare. Ne i kemi shërbyer Amerikës në një nga periudha e saj
më të rëndësishme... dhe ka qenë nderi im që ju kam shërbyer juve.
Për t’u përballur me problemet e mëdha përpara nesh, ne duhet të veprojmë në një frymë të vullnetit
të mirë dhe me respekt për njëri-tjetrin... dhe unë do të bëj pjesën që më takon. Sot, gjendja e vendit
(Bashkimit) paraqitet e fortë... dhe së bashku do ta forcojmë më shumë. (Duartrokitje.)
Në këtë vit vendimtar, ju dhe unë do të marrim zgjedhje, të cilat përcaktojnë si të ardhmen, ashtu
edhe karakterin e vendit tonë. Ne do të zgjedhim për të vepruar me besim në përndjekjen e armiqve
të lirisë... ose të tërhiqemi nga detyrat tona me shpresën e një jete më të lehtë. Ne do të zgjedhim
të ndërtojmë begatinë tonë duke drejtuar ekonominë botërore... ose të largohemi nga tregtia dhe
mundësitë. Në një kohë të ndërlikuar dhe sfi duese, rruga drejt izolimit dhe proteksionizmit mund të
jetë e gjerë dhe joshëse..., por ajo përfundon me rrezik dhe në rënie. E vetmja rrugë për të mbrojtur
njerëzit tanë, e vetmja rrugë për të siguruar paqen, e vetmja rrugë për të kontrolluar fatin tonë, është
përmes udhëheqjes sonë..., në mënyrë që Shtetet e Bashkuara të Amerikës të vazhdojnë të jenë
në krye. (Duartrokitje.)
Jashtë vendit, kombi ynë është përkushtuar drejt një qëllimi historik, afatgjatë dhe ne kërkojmë
përfundimin e tiranisë në botën e sotme. Disa e përjashtojnë atë qëllim si idealizëm i keqdrejtuar.
Në të vërtetë, siguria e ardhshme e Amerikës varet nga ajo. Më 11 shtator, 2001, ne zbuluam
se problemet që e kishin zanafillën në një shtet të dështuar dhe shtypës, 7000 milje larg, mund
të sillnin vrasje dhe shkatërrim për vendin tonë. Diktaturat strehojnë terroristë dhe ushqejnë inat
e radikalizëm dhe kërkojnë armë të shkatërrimit në masë. Demokracitë zëvendësojnë inatin me
162