udhezues letersia 11

Udhëzues për tekstin “Gjuha shqipe dhe Letërsia 11”
Tema
4. Teksti
informuesparaqitës
(shpjegues).
Karakteristika
dhe struktura
Objektivat: Në fund të orës së mësimit nxënësi të jetë i aftë:
• të identifikojë karakteristikat e tekstit informues dhe strukturën e tij;
a. të dallojë llojet e ndryshme të informacioneve në një tekst informues;
b. të analizojë karakteristikat gjuhësore në tekstin informues;
c. të organizojë informacionet e tekstit informues në tabelën përkatëse;
d. të shfrytëzojë fjalorin për fjalët kyç që lidhen me informacionet e reja.
Materialet dhe mjetet mësimore
Teksti “Gjuha shqipe dhe Letërsia 11”, lloje të ndryshme tekstesh, reklama, libra,
shkumësa me ngjyra, tabela.
Konceptet kryesore:
Karakteristika të tekstit informues, struktura, informacion/organizimi e i tij, karakteristika
gjuhësore.
Struktura mësimore: PNP
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Diskutimi i njohurive paraprake Diskutimi i ideve Punë me klasën
Ndërtimi i njohurive Të nxënit me këmbime Të nxënit në bashkëpunim Punë në grupe
Përforcimi Mbajtja e strukturuar e shënimeve Ndërtim i shprehive studimore Punë në dyshe
ZHVILLIMI I MËSIMIT
Parashikimi. Diskutim i njohurive paraprake (Rendit, grupo, emërto)
•Mësuesi/ja u kërkon nxënësve të identifi kojnë veçoritë e llojeve të teksteve që kanë
përzgjedhur në detyrën e shtëpisë. U drejton pyetjen:
- A mund të përcaktojmë disa nga veçoritë e llojeve të teksteve?
Mësuesi/ja lë nxënësit për dy minuta të diskutojnë rreth veçorive, si dhe të rikujtojnë
njohuritë e marra.
Nxënësit listojnë veçoritë e tekstit informues-paraqitës:
- trajton një dukuri të caktuar;
- dukuritë e tjera që trajtohen vendosen në marrëdhënie të caktuar me
dukurinë kryesore;
- çdo paragraf duhet të përmbajë informacione;
- paraqitja e informacionit është objektive;
- paraqiten sipas një rendi logjik;
- kanë leksik teknik, i drejtohen një publiku të specializuar;
- informacionet shpesh shoqërohen me elemente grafike, si: foto, skica, harta etj.
Nxënësit ilustrojnë disa nga këto veçori në tekstet e sjella prej tyre.
22
Ndërtimi i njohurive. Të nxënit me këmbime.
Mësuesi/ja tashmë e përqendron vëmendjen te struktura dhe veçoritë e tekstit
informues-paraqitës, duke i parë ato më konkretisht. E ndan klasën në grupe bazë
dhe më pas nxënësit rigrupohen në grupe ekspertësh duke numëruar 1,2,3,4 (1-shat
grupohen veç, 2-shat veç…). U kërkohet nxënësve të përqendrojnë vëmendjen tek
tekstet informuese të dhëna në libër. Mësuesi/ja shkruan pyetjet në tabelë.