udhezues letersia 11

Udhëzues për tekstin “Gjuha shqipe dhe Letërsia 11”
Model përgjigjeje
Shpjegon konceptin ”të përmbledhësh“ – “t’i heqësh diçka” tekstit origjinal.
Mësuesi/ja u kërkon nxënësve të punojnë me anë të teknikës lexim/përmbledhje në
dyshe mbi mënyrat e realizmit të një përmbledhjeje.
Nxënësit organizojnë punën në këtë mënyrë:
Njëri prej tyre lexon tekstin dhe e përmbledh dhe tjetri, pasi shoku i tij ka mbaruar, i drejton
pyetje mbi atë pjesë që shoku ka përmbledhur (pyetjet mund të jenë të kësaj natyre):
- Si duhet lexuar teksti?
- Çfarë duhet të përcaktoni në fi llim të punës suaj?
- Çfarë duhet të dalloni në brendësi të tekstit?
- Ku duhet të bazoheni për të realizuar shkrimin e përmbledhjes?
- Përse shërben rileximi i përmbledhjes?
- Pas çdo hapi nxënësit duhet të konsultohen nga ana praktike me tekstin në libër,
për të konkretizuar rregullat e mësipërme, duke u mbështetur në pesë pyetjet bazë të
dhënies së informacionit (Ku?, Kur?, Kush?, Pse?, Çfarë?).
- Kur tanket dhe autoblindat hynë në qytet, komandanti i divizionit gjerman,
koloneli Fritz von Schwabe, shqiptoi fjalët: “Gjirokastër... kam një mik këtu, një shok
universiteti.“ Ai tha emrin e mikut dhe adresën e tij.
- Kur - Kur tanket dhe autoblindat hynë në qytet.
- Ku - Në qytet.
- Kush - Komandanti i divizionit gjerman, koloneli Fritz von Schwabe.
- Pse –
- Çfarë – (shqiptoi fjalët): “Gjirokastër ... kam një mik këtu, një shok universiteti”. Ai
tha emrin e mikut dhe adresën e tij.
Diskutim i lirë
Model përgjigjeje:
Në këtë fazë të mësimit mësuesi/ja u shpërndan një tekst (ushtrimi 1) dhe u kërkon
nxënësve në dyshe të realizojnë shkrimin e një përmbledhjeje të një teksti rrëfyes (me
rreth 40 fjalë)
Një dre nga etja u afrua pranë një burimi. Ndërsa pinte ujë, imazhi i tij u shfaq në sipërfaqe
të burimit. Ai u ngazëllye duke parë brirët. I erdhi keq për këmbët. Ishte duke reflektuar,
kur ia behu luani. Dreri vrapoi, por i ngecën brirët në degët e pemëve. E hëngri luani.
Përforcimi: Rishikim në dyshe
Në dyshet që kanë krijuar nxënësit dhe në punën që kanë bërë, mësuesi/ja u kërkon
të ripërmbledhin sërish tekstin, tashmë prej 20 fjalësh, e më pas në përmbledhjen më të
shkurtër të tekstit, që është titulli.
Model përgjigjeje:
a) Dreri po pinte ujë në burim. Brirët i pëlqyen mbi ujë, këmbët jo. E ndoqi luani.
Vrapoi, por i ngecën brirët në degë. E hëngri luani.
b) Dreri mendjelehtë.
146
Mësuesi/ja nxjerr përfundimet e orës mësimore dhe vlerëson nxënësit me notë.
Detyrë shtëpie: a) Ushtrimi 5, 6, 7, faqe 103
b) Sillni në klasë lloje të ndryshme informacionesh, si nga fusha e muzikës/teatrit/
kinematografi. Ndërtoni skeda të ndryshme të teksteve.