udhezues letersia 11

Udhëzues për tekstin “Gjuha shqipe dhe Letërsia 11”
Ndërtimi i njohurive. Kodim teksti/Ditar dypjesësh
a. Subjekti
Parimi mbi të cilin Molieri ngre idenë e tij artistike synon “të mësojë duke argëtuar”,
gjë që e ndihmoi jo vetëm të krijonte profi lin e tij si dramaturg komik, por edhe ta nxiste
spektatorin ta shihte jetën me sy kritik, qortues dhe gazmor. Kjo është arsyeja që ai e
ngjizi subjektin e komedisë “I sëmuri përmend” si një tallje plot sarkazëm që u drejtohet
mjekëve, të cilët e shohin pacientin si klient për të shitur ilaçe të dyshimta. Sëmundja
imagjinare e tjetërson karakterin e Arganit dhe e shndërron atë në një njeri monoman,
që ka vetëm një mani: ta shohë vetveten të sëmurë dhe për këtë “sëmundje” virtuale, ai
nuk është dot as njeri. Duke vendosur sëmundjen në qendër të egos së tij, ai humbet
çdo lidhje me realitetin dhe bie pre e frikës që kthehet në patologji për të. Ky subjekt kaq
i thjeshtë ka zgjedhur komedinë e karaktereve për të përcjellë mirazhin që Molieri e ka
modeluar që në titull, “I sëmuri për mend”; ndërsa vë në shënjestër maninë e marrjes së
ilaçeve duke qenë shëndoshë e mirë.
• Ndahet klasa në dy grupe, të cilat studiojnë tekstin me kodim dhe hedhin të dhënat
në ditarin dypjesësh, të cilin e plotësojnë gjatë komentit të fragmentit.
Grupi I - Arti i komedisë
Nxënësit lexojnë tekstin dhe vënë në dukje veçoritë e artit, për të cilat gjejnë shembuj
me ilustrime në fragmentin që do të komentojnë.
Mjetet dhe efektet komike
Ilustrime
Gjestet
Fjalët me spica dhe dykuptimësi
Përsëritja e të njëjtit gjest a e së njëjtës fjalë
Asimetritë paralele
Hiperbolizimi i karaktereve
Format e groteskut
Grupi II - Komedia e karaktereve
Karakteret
Argani
Tuaneta
Anxhelika
Mjekët
b. Vëzhgohen pikturat ilustruese duke u ndarë klasa në tri grupe, që të evidentojnë
detajet e veçanta që gjejnë kahun e përbashkësive.
Grupi I - Komentimi i fragmentit – kuptimi.
Punohen ushtrimet 1- 4 dhe plotësohet ditari dypjesësh.
Molieri si artist i madh kërkon të plazmojë të vërtetën lakuriqe njerëzore me anë të
goditjes që i bën si mediokritetit, ashtu edhe shëmtimit moral të tipareve që përfaqëson
Argani. Tallja që fsheh mospranimin fokusohet në vesin që e ka pranguar personazhin
qendror. Të godasësh marrëzinë dhe egoizmin e Arganit është njësoj si të përndjekësh
të keqen, duke i lënë mundësi hapjes së zemrës për ngadhënjimin e së mirës. Frika
279