Create successful ePaper yourself
Turn your PDF publications into a flip-book with our unique Google optimized e-Paper software.
Udhëzues për tekstin “Gjuha shqipe dhe Letërsia <strong>11</strong>”<br />
vetëdijen e lexuesit. Përdorimi i urdhërores Shko dhe i pjesëzës mohuese mos e bën<br />
të lëndët të palëndët, duke të lejuar të shohësh zgavrimin që sa vjen e rritet brenda<br />
zemrës së poetit.<br />
IV. - Simboli i gurit<br />
Në trashëgiminë poetike të Shkrelit guri është identiteti i tij jo vetëm historik e<br />
kombëtar, por edhe vetjak e njerëzor. Ai e ka rimarrë në kontekste të ndryshme, për të<br />
zbuluar përmes tij thellësitë e panjohura, por në këtë poezi guri simbolizon vdekjen e tij<br />
shpirtërore. Ai ngjason me gurin e varrit, që ndan dy botë. Pas kësaj humbjeje, e tërë<br />
jeta e tij s’është asgjë tjetër, veç një heshtje, ku e vetmja fjalë është guri. Guri është<br />
dëshmia e një dashurie që ishte vetë jeta e tij, guri mbetet dëshmia e humbjes së saj.<br />
Guri si qëndresë burrërore kthehet në gurin si qëndresë dhimbjeje.<br />
Kuptimet e fshehura të metaforave<br />
Poezia është ngjizur në mënyrë metaforike. E tërë rrjedha e saj përshkruhet nga<br />
moria e metaforave, që nga vargu i parë dhe deri në vargun e fundit. Ai ka futur në<br />
optikën e tij poetike një diagramë vullkanike të përshkallëzimit të metaforës, duke<br />
plazmuar me anë të fjalës poetike fuqinë eksploruese të dhembjes njerëzore, që në fakt<br />
bart brenda saj monumentalitetin e pazbehur nga asnjë rrjedhë kohe.<br />
Harrimi-malli gërryes-ndarja-vetmia: ky zinxhir metaforik konceptor i bën autopsinë<br />
realitetit shpirtëror të heroit lirik. Brenda këtyre gjendjeve zbulojmë jetëvdekjen e heroit.<br />
Këto stacione jetësore do të mbeten si memorial i gurtë, që asnjë lloj tërmeti nuk do të<br />
mund t’i fshijë dot, ngaqë fryma e tij gjendet në përjetësimin që Shkreli i bëri dashurisë<br />
së humbur, si gjëma universale e kthyer në fatalitet.<br />
- Dilema hamletiane e Shkrelit ngjizet në dy drejtime: njëri që rreket të bëjë të<br />
pamundurën për të mos e lejuar ndarjen derisa humbet çdo shpresë; tjetri që evidenton<br />
përballjen me boshllëkun që do të gëlltisë vetë njeriun që ka humbur dashurinë. E<br />
kundruar në këtë mënyrë, mësuesi/ja ngre pyetjet:<br />
- Ç’kuptim kanë këto vargje të Shkrelit:<br />
“E kur të shkojsh larg, më larg se prej zemre në zemër,<br />
Aq larg sa të harrosh edhe emrin tënde dhe zërin tim<br />
Fshihu prej vetes.”?<br />
- Pse ndarja për poetin merr ngjyra aq tragjike sa ai pohon:<br />
“Mos i harro sytë e përlotur në shtegballin tim...<br />
Merri me vete gjurmët nëpër të cilat<br />
Erdhe një natë më e përvuajtur se frika dhe hyre në mua,<br />
Shko<br />
Dhe bëhu fjalë e mbrame n’gojën time. Bëhu shkreptirë e fikur<br />
N’ ylberin e shikimit tim...<br />
Merri me vete edhe rrugët të mos kthehesh kurrë...<br />
Shko.”?<br />
Përforcimi. Diskutim i lirë<br />
Nxënësit vëzhgojnë pikturën dhe diskutojnë rreth saj, duke u përpjekur të zbulojnë si<br />
realizohet përmes lëvizjeve dhe ngjyrave mesazhi i dashurisë.<br />
Detyrë shtëpie. Bëni një ese argumentuese me temë: “Është tepër e vështirë të falësh kur<br />
shpirtin ta pushton dhimbja”.- Ç’përftesë emocionale lë te ju mozaiku?<br />
<br />
263
Change language