udhezues letersia 11

Udhëzues për tekstin “Gjuha shqipe dhe Letërsia 11”
Ndërtimi i njohurive. Tabela T/Kodimi i tekstit
Mësuesi/ja u kërkon nxënësve të përqendrohen në tekst, ku janë dhënë veçoritë e
një procesverbali, mënyra e hartimit të tij, si dhe struktura.
Nxënësit punojnë në dyshe dhe diskutojnë me njëri-tjetrin mbi këto veçori, duke
shënuar në tekst aspekte të ndryshme të strukturës së procesverbalit duke ilustruar nga
modeli i dhënë në libër.
Mësuesi/ja u kërkon të vendosin simbole të caktuara, kur ndeshin elementet e
strukturës dhe të përmbajtjes: P.sh.: simbolet Ο,⊗, ⊕ kur hasin aspekte të strukturës,
dhe nënvizime, kur kanë të bëjnë me elemente të përmbajtjes. Mësuesi/ja ndjek me
vëmendje procesin e të lexuarit dhe të kodimit të tekstit. Më pas drejton punën e
nxënësve duke drejtuar pyetje të tilla, duke marrë përgjigjet e nxënësve të ilustruara
me shembuj:
- Cila është struktura e procesverbalit?
Procesverbali ka hyrje, zhvillim dhe përfundim.
• Hyrja: Ditën e 14 nëntorit 2007, në sallën e mësuesve u mblodh senati i shkollës.
• Zhvillimi: Pika e parë e rendit të ditës. Raporton zëvendëspresidenti i senatit.
• Përfundimi: Pasi përfundoi rendi i ditës, nënpresidentja e shpalli të mbyllur seancën
në orën 16.30.
- Cilat janë të dhënat e shënuara në pjesën e tij të parë?
Në pjesën e parë të tij shënohen:
• data, vendi dhe ora e mbledhjes. (Ditën e 14 nëntorit 2007 në sallën e mësuesve.)
• Organi që mblidhet (senati i shkollës).
• Rendi i ditës (rezultatet e arritura gjatë semestrit të parë; programi i ekskursioneve
mësimore; parashtrime të ndryshme (sipas rastit).
• Përbërja e organit që mblidhet:
-Kush është i pranishëm? (Gjithë senatorët, presidentja, mësuesit e ftuar...)
-Kush mungon? (S’ka mungesa.)
-Kush drejton? (Presidentja.)
-Cili mban procesverbalin (Sekretare për mbajtjen e procesverbalit u zgjodh ...)
• Deklarimi i fillimit të mbledhjes (Presidentja, pasi verifi koi praninë e të gjithë
senatorëve dhe të ftuarve, e deklaroi mbledhjen të hapur.)
- Çfarë përmban një procesverbal në zhvillimin e tij?
• Në pjesën e zhvillimit bëhet shtrimi i argumentit nga drejtuesit ose nga ndonjë
anëtar tjetër i organit. (Raporton zëvendëspresidenti i senatit. në raportin e tij paraqiten
arritjet e çdo klase.)
• Diskutim dhe ndërhyrje që bëhen nga të pranishmit (Kush flet dhe çfarë thotë.
P.sh.: Pyetje nga senatori i klasës I B: cila klasë ka pasur arritjet më të mira? Përgjigjet.
Diskutime - senatori i klasës së III C dhe profesor Bregu mbështetën.)
• Paraqitja e projektvendimeve dhe procedurat e miratimit: diskutimi, votimi dhe
shpallja e vendimit të marrë. (Senatori i klasës së IIIA i propozon senatit ekskursionet e
46