You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Udhëzues për tekstin “Gjuha shqipe dhe Letërsia <strong>11</strong>”<br />
ZHVILLIMI I MËSIMIT<br />
Parashikimi. Një pyetje, shumë përgjigje.<br />
Mësuesi/ja shtron pyetjen dhe i lë të lirë nxënësit të shprehin mendimet e tyre:<br />
- Pse njeriu nuk i shpëton dot dilemës hamletiane?<br />
Lexohen disa nga esetë e detyrës së shtëpisë.<br />
Lexim i fragmentit të tragjedisë, pas monologut e deri në mbyllje të tij.<br />
Ndërtimi i njohurive. Studim teksti<br />
Ndahet klasa në 5 grupe. Vetë grupet përgatitin çështjet e përcaktuara nga mësuesi/ja.<br />
Grupi I. Kuptimi - aludimet në fjalët e personazheve<br />
Në këtë pasazh janë njëri kundruall tjetrit Hamleti dhe Ofelia. Goditja fatale që ka<br />
marrë Hamleti e shtyn të flasë me Ofelinë duke përdorur nënkuptime që rrokin gjithë<br />
hapësirën jetike njerëzore. Nga njëra anë shfaqet Hamleti i tjetërsuar, intelektuali<br />
humanist që ka pasur si profi l oborrtarinë, diturinë dhe mendësinë e rreptë të luftës, që<br />
sipas studiuesve të ndërmend “Princin” e Makiavelit, një personazh që ia ul siparin heroit<br />
të Rilindjes Evropiane, për t’ia ngritur heroit të kohës moderne. Nga ana tjetër shfaqet<br />
Ofelia, që besonte në ëndrrën e dashurisë me Hamletin dhe shihte fronin mbretëror për<br />
të. Tronditja e saj është tërësore, sepse trimi i zemrës, si ideali i kohës së saj, tashmë<br />
është marrosur dhe e pret gremina. Ndaj dialogu i tyre ballafaqon koncepte morale,<br />
ide shoqërore, vlera emocionale, domethënie fi lozofi ke, duke përdorur nënkuptimet,<br />
aludimet si mjet stilistik që zgjon jo vetëm vetëdijen estetike të lexuesit, por mbi të<br />
gjitha, vetëdijen njerëzore gjithëkohore. Dialogimi i personazheve të risjell në kujtesë<br />
konceptin e dramës si një pasqyrë e botës, si një “ars rotunda” (art rrotullor), ku individi<br />
sheh më mirë vetveten. Aludimet e vendosin Hamletin e dikurshëm dhe Hamletin aktual<br />
në një përballëvendosje tragjike. Ndaj Ofelia edhe pse njeh të parin dhe tenton të dytin,<br />
në dilemën e saj nuk mundet të bëjë tjetër gjë, veçse të ndihet mjerane nga tragjedia<br />
që i ka pllakosur të dy.<br />
Lexohet akti III, skena IV<br />
Grupi II. Interpretimi - roli i fantazmës<br />
Sipas kronikës daneze, fantazma nuk shfaqet askund.<br />
- A është Fantazma zëdhënëse i përtejbotës për ne?<br />
- Cilat janë koordinatat që e përgatisin shfaqjen e Fantazmës?<br />
Ankthi dhe dyshimi. Fantazma ka një mision: ajo sjell një kumt. Dyshimi ndaj saj do<br />
ta lironte Klaudin nga drama e krimit. Dyshimi i Hamletit ndaj dëshmisë së Fantazmës e<br />
bën tensionin dramatik të kërkojë kuota të tjera rritjeje. Brenda konfi gurimit të Fantazmës<br />
duhet dalluar vetë Shekspiri si vetëdije artistike, që e kthen këtë gjetje artistike në një<br />
interpretim universal për njeriun e çdo kohe. Madje Fantazma plotëson edhe më qartë<br />
misionin e saj, detyrën që ka Hamleti: gjakmarrjen për vrasjen e të atit.<br />
- A ka diçka të ngjashme me Orakullin e Delfi t në nxitjen që i bëri Orestit?<br />
Grupi III. Struktura<br />
- Cilat janë rrethanat që përcaktojnë sjelljen e personazheve? Ushtrimi 5.<br />
Nxënësit lexojnë me kodim tekstin dhe veçojnë në tabelë vargjet që tregojnë rrethanat<br />
në sjelljen e personazheve.<br />
Rrethanat janë të shumëllojta: reale, psikologjike, emocionale, shoqërore, fi lozofi ke,<br />
të cilat kanë një burim: jetën, që në mënyrë mizore po kthehet në vdekje. Rrethanat<br />
specifi ke përligjin sjelljet e personazheve ndaj njëri-tjetrit, duke e plotësuar mozaikun e<br />
tablosë shekspiriane më tej.<br />
275