udhezues letersia 11

Udhëzues për tekstin “Gjuha shqipe dhe Letërsia 11”
Tema
12. Eseja
letrare
Objektiva: Në fund të orës së mësimit nxënësi të jetë i aftë:
• të analizojë veçoritë e esesë letrare nga ana gjuhësore;
• të shkruajë një ese letrare.
Materialet dhe mjetet mësimore: Teksti “Gjuha shqipe dhe letërsia 11”, lloje të
ndryshme të teksteve argumentuese, shkumësa me ngjyra, tabela.
Konceptet kryesore: ese letrare, karakteristika gjuhësore të esesë letrare, shkrimi i
një eseje letrare.
Struktura mësimore: PNP
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Përvijimi i të menduarit Diskutim i ideve Punë me klasën
Ndërtimi i njohurive Mbajtja e strukturuar e shënimeve Të mësuarit ndërveprues Punë në klasën
Përforcimi Shkrimi i lirë Ndërtim i shprehive studimore Punë individuale
ZHVILLIMI I MËSIMIT
Parashikimi: Përvijimi i të menduarit
Mësuesi/ja e nis mësimin me diskutimin e detyrës së shtëpisë. Më pas në dyshe
u kërkon nxënësve të punojnë ushtrimin 9, esenë me titull “Dredhi, dëshirë për të
njohur, dëshirë për t’u kthyer”, ku të evidentojnë tiparet e saj, llojin dhe elementet që e
klasifi kojnë atë si të tillë.
Model përgjigjeje
Eseja letrare analizon një temë të caktuar e mbështetur në tri argumente bazë në veprat “Iliada” dhe
“Odiseja” e Homerit. Paragrafi i parë jep thelbin e veprës së Homerit, duke vënë theksin te heroi që do
të marrë në shqyrtim “Odiseja”, duke evidentuar tipare bazë të tij.
Paragrafi i dytë vë përballë njëri-tjetrit personazhe të dy veprave të Homerit.
Paragrafi i tretë argumenton çfarë e dallon dhe e bën njerëzor këtë personazh të rëndësishëm të veprave të tij.
Struktura
Hyrja: nis me një tezë dhe shtron çështje për t’u argumentuar: Ç’u bë me luftëtarët lakenj...
Zhvillimi: përshkruan argumenton mbi temën: Menelaut iu desh të endej tetë vjet...
por nga të gjithë heronjtë... ai që përjetoi aventurat emocionale është Uliksi.
Mbyllja: për këto dy karakteristika, aventura e Uliksit është kthyer në një simbol
universal të jetës së njeriut....
Elementet e strukturës janë lidhur organikisht dhe logjikisht me njëri-tjetrin. Arrihet në
një përfundim logjik të argumenteve, të sjella në bazë të fakteve të huazuara nga vepra
letrare.
Ka elemente të subjektivitetit.
Synimi që ka autori: të argumentojë mbi shfaqjen dhe karakteristikat e një personazhi
të një vepre letrare.
Ndërtimi i njohurive: Mbajtja e strukturuar e shënimeve
Mësuesi/ja drejton vëmendjen e nxënësve mbi aspektet gjuhësore dhe u kërkon
nxënësve t’i përcaktojnë ato me anë të organizuesit grafi k: ditarit dypjesësh.
179