udhezues letersia 11

Udhëzues për tekstin “Gjuha shqipe dhe Letërsia 11”
Ndërtimi i njohurive dhe Përforcimi: Shikim i sekuencave të filmit dhe diskutim
Mësuesi/ja shfaq në videoprojektor disa sekuenca nga filmi “Gjenerali i ushtrisë së
vdekur”, pjesë të dialogut të Gjeneralit dhe priftit, të monologut të Gjeneralit, skenën e
hedhjes së thesit tek ura etj.
a. Diskutim
Në klasë hapet diskutimi me temë:
Ç’dini për groteskun si nocion?
Në ç’vepra e keni hasur gjatë vitit të kaluar?
Ku shfaqet e veçanta e Kadaresë në përdorimin e groteskut?
E ka lexuar dikush veprën “Grotesku kadarean” të prof. Alfred Uçit?
Nëse askush nuk e ka lexuar, iu rekomandohet ta lexojnë.
Nxënësit ndahen në tri grupe, duke sjellë argumentin e përshkallëzimit të groteskut
në çdo përcaktim:
-Grotesku si përballje mes komikes dhe tragjikes.
-Grotesku si ndërthurje e fantastikes dhe e përfytyrimit të shfrenuar, ku realiteti
stërzmadhohet në mënyrë të papritur.
-Grotesku si diçka e pazakontë, ku qesharakja mbështillet me marrëzi.
b. Vëzhgimi i fotove dhe i sekuencave fi lmike
-A është loja e aktorëve interpretim psikologjik apo thjesht realist?
-Në ç’raport qëndron tragjizmi me komizmin?
-Nëse do t’i zgjidhnit ju aktorët, cilët do të kishin qenë ata?
-Ka doza teatraliteti fi lmi shqiptar?
-A ia ka dalë mbanë fi lmi t’i shpëtojë skematizmit?
c. Të shkruhet një recension mbi fi lmin
Fokusimi mund të jetë rreth temës dhe mishërimit të saj në lojën e aktorëve. Mund
të hidhen në letër mbresat nga një fi lm sa historik, aq edhe psikologjik. Sugjerohet t’i
mëshohet mënyrës se si e vërteta historike është kthyer në të vërtetë artistike.
Diskutim:
“Madhështia njerëzore buron nga përballja tragjike me të përjetshmen, - na kumton
Kadareja, - dhe na nxit të dialogojmë me Un-in se si e gjemë vetveten në një aktualitet
historik që nuk vjetrohet kurrë”.
Tema
15.6. Vlerësime
kritike për
romanin
“Gjenerali i
ushtrisë së
vdekur”
Objektivat: Në fund të orës së mësimit nxënësi të jetë i aftë:
- të arsyetojë në mënyrë kritike për romanin;
- të lexojë tekste interpretuese vlerësuese dhe të japë gjykim për to;
- të shkruajë një tekst interpretues vlerësues sipas modeleve.
Materialet dhe mjetet mësimore: teksti Gjuha shqipe dhe letërsia 11, citate dhe
vlerësime të dhëna për romanin “Gjenerali i ushtrisë së vdekur”.
Konceptet kryesore: shkrimtar universal, frymë shekspiriane.
227