udhezues letersia 11

Udhëzues për tekstin “Gjuha shqipe dhe Letërsia 11”
Pas këtij hapi nxënësit formojnë grupet e ekspertëve.
Model përgjigjeje:
1- Në grupin e prezantuesve të strukturës së gazetës nxënësit, pasi janë njohur
me rubrikat e një gazete të përditshme, përcaktojnë strukturën dhe rubrikat
më të rëndësishme që do të përmbajë gazeta e shkollës. Në mënyrë analoge
me rubrikat e një gazete të vërtetë (për këtë vëzhgojnë me kujdes gazeta të
sjella në klasë prej tyre dhe informacionin e dhënë në libër), mësuesi/ja jep një
variant se cilat janë rubrikat që mund të përmbajë gazeta e shkollës.
Rubrikat e gazetës së shkollës dhe përmbajtje e tyre.
- Kush jemi ne (Nxënësit tregojnë për veten dhe për ato që bëjnë ata.)
- Historia ecën bashkë me ne (Tregojnë historikun e shkollës.)
- A mund të kemi…një kompjuter…një (nënkupton rubrikën ekonomike, ku
nxënësit trajtojnë probleme që lidhen me nevojat e tyre dhe rrugët si mund t’i zgjidhin)
- Aktualitet / Ja çfarë na shqetëson (kronika të ndryshme)
- Opinion ynë vlen (Mendime dhe opinione për aspekte të ndryshme të
procesit mësimor.)
- Ndajmë bashkë dëshirat tona (prirje, talente, poezi, muzikë, kuriozitete, sport)
- Publicitet dhe reklama
2- Në grupin e mbledhësve të informacionit nxënësit diskutojnë për lloje të ndryshme
informacionesh që mund të mbledhin, ç’lloj artikujsh mund të shkruajnë dhe nga mund
t’i vjelin informacionet.
Rubrika “Kush jemi ne?“ do të përmbajë informacion veprimtaritë e nxënësve. Ata tregojnë
për veten, mësimin, shkollën, punën që bëjnë në të, klasat, mësuesit etj.
3- Në grupin e përgatitësve të strukturës së shkrimit, shkruesit të shkrimit, diskutojnë
rreth temës që do trajtojnë në artikullin e tyre. Ky hap do të hidhet pasi nxënësit kanë
vëzhguar me vëmendje strukturën e artikullit të trajtuar në libër të ndarë në tri etapa
hyrje – zhvillim – mbyllje.
Duke iu referuar artikullit të paraqitur në tekst:
-në hyrje vëmendja e lexuesit është përqendruar në faktin “në mjediset e Muzeut Historik
Kombëtar është çelur një muze i vogël, ku prezantohen 26 fotografi të P.Marubit”.
- Në zhvillim jepen informacione më të zgjeruara për këtë fakt duke theksuar;
• Emrin e ekspozitës
• Seksionet që ajo përmban (“Grupe dhe familje”, “Gratë”,”Burrat”)
• Harkun kohor që do të rrijë e hapur (deri në 9 maj)
• Ku janë përqendruar peizazhet e kësaj ekspozite (peizazhe të Shkodrës e
Zadrimës…)
• Vendin nga janë marrë kuadrot etj. (janë marrë nga Instituti i Kulturës Popullore…)
- Në mbyllje jepen zhvillime të mundshme të ngjarjes, opinione personale etj.
Është çelur në kuadër të stinës së aktiviteteve ….
70