udhezues letersia 11

Udhëzues për tekstin “Gjuha shqipe dhe Letërsia 11”
Zgjidhja e problematikës: Vetëm në këtë mënyrë, duke i siguruar vendit tonë një të
ardhme të lirë, mund të paguajmë një detyrë historike…
Efektet e dëgjuesit dhe bindja e tyre: Si të mbarojnë detyrën e shenjtë… gati për t’i
sakrifi kuar të gjitha, nëse është nevoja edhe jetën, mbas dëshirës së tij dhe për të mirën
e vendit…
Grupi i gjashtë: Evidenton rëndësinë dhe përdorimin e figurave letrare: metafora,
epitete etj. (fjalët e Nalta të krenave të ndershëm të stolisur me kunorë; shërbyesin e
palodhur të Atdheut, Prijësi …)
Diskutim i këtyre elementeve
Përforcimi: Shkrimi i lirë
Nxënësit punojnë në grupe bazë për ushtrimin 14.
Model përgjigje: Edhe gratë mund të shërbejnë në ushtri
Vëllezër dhe motra,
Është kënaqësi t’ju jem pranë dhe të ndaj me ju shqetësimet dhe problemet tuaja. E di që është e re për
të gjithë ne, por do të desha t’ju parashtroja idenë time për pjesëmarrjen e grave në shërbimin ushtarak.
A duhet me të vërtetë gruaja të kryejë një detyrë kaq burrërore, kur shumë mirë mund të kryejë detyra
në fusha të tjera ose të përkujdeset për familjen dhe fëmijët e saj?!
Kjo pyetje qëndron. Me të vërtetë shërbimi ushtarak është i vështirë. Kërkon forcë, energji dhe përgatitje
të mirë fi zike dhe profesionale. Por unë mendoj se gruaja shqiptare i ka këto mundësi.
Mjafton të rikujtojmë kontributin e vlefshëm të grave e vajzave në luftën për çlirim dhe përkushtimin që i
dhuruan ato kësaj kauze. Edhe në të shkuarën e afërt ajo inkuadrohej në formacionet ushtarake efektive
e vullnetare dhe dallohej për përkushtim. Por ndryshimi ndërmjet dy kohëve është esencial: nëse në
atë kohë kjo pjesëmarrje i kërkohej me detyrim, tani jeni ju vajza të reja që e kërkoni si një të drejtën
tuaj të kryeni shërbim ushtarak. A është kërkesë e të gjitha vajzave e grave? Padyshim që jo. Ka edhe
djem që i shmangen këtij shërbimi. Por unë kam bindjen që ato vajza që e shtrojnë këtë kërkesë, do t’i
përgjigjen detyrës me përgjegjësi të lartë. Ato janë të afta të kryejnë si detyra që kërkojnë përgatitje fizike
e profesionale, dhe ato që kërkojnë përgatitje shkencore, e që i përgjigjen stadit të sotëm të një ushtrie
moderne. Brenda shpirtit të tyre ka shumë dashuri, forcë dhe iniciativë. Gruaja ka arritur të ndërtojë një
imazh të sajin tashmë, duke treguar që është e barabartë në të gjitha aspektet me burrin dhe mund të
përballojë çdo sfi dë…
Unë, si kandidatja juaj për deputete, nëse do të më jepni votën tuaj, në parlamentin e ardhshëm do të bëj
të gjitha përpjekjet që në ligjin për shërbimin ushtarak, të zërë vend edhe mundësia që gratë dhe vajzat
të kryejnë shërbim ushtarak. Përveçse është detyra e lartë ndaj atdheut, këtë pjesëmarrje të gruas,
ligjvënësit duhet ta shohin si një mundësi të barazisë së gruas me burrin në të gjitha aspektet, duke u
bërë kështu një faktor i rëndësishëm jo vetëm në familje, por edhe në zgjidhjen e detyrave të vështira,
siç është çështja e Atdheut.
Ju falënderoj nga zemra për pjesëmarrjen tuaj në këtë takim!
166
Diskutim i lirë
Shënim: Nëse koha për zhvillimin e kësaj detyre është e pamjaftueshme, nxënësit
mund të vazhdojnë detyrën në shtëpi. Në klasë nxënësit mund të ndërtojnë vetëm
skemën me argumente, duke shkëmbyer opinionet dhe duke sugjeruar mënyrën se si
do të ndërtojnë tekstin me njëri-tjetrin. Më pas mund ta zhvillojnë atë në shtëpi.
Detyrë shtëpie. Ushtrimi 14, faqe 123