udhezues letersia 11

Udhëzues për tekstin “Gjuha shqipe dhe Letërsia 11”
Përforcimi. Shkrim i lirë
Mësuesi/ja u kërkon nxënësve që në bazë të modelit të punuar në klasë, të punojnë
ushtrimin 13, faqe 123.
Model përgjigjeje
Çarmatosja botërore është e vetmja shpresë për paqe në botë
A duhet të ketë luftëra në shek. XXI?
Është një çështje që gjithmonë e më shumë hap debate rreth e qark globit.
Luftërat e shumta të zhvilluara përgjatë historisë së njerëzimit kanë sjellë gjithmonë e më shumë
dëme materiale dhe shpirtërore. Pavarësisht kësaj, akoma nuk është kuptuar ose më saktë nuk
ekziston vullneti i mirë për t’i shmangur ato.
Por luftërat kanë pasur gjithmonë një njëjtin qëllim: mbisundim, pasurim, zotërim, lakmim etj. Kjo
ka qenë motoja e çdokujt, i cili ka hapur luftë ndaj më të dobëtit, më inferiorit, më të pazhvilluarit.
Gjithsesi, pavarësisht nëse lufta ka pasur një kauzë të drejtë ose jo, pavarësisht se ajo ka vënë
shpeshherë në vend të drejtat e mohuara, ajo asnjëherë nuk i ka realizuar këto pa sakrifi ca, pa të
dëmtuar, pa humbur jetë. Sot, kur zhvillimi njerëzor ka arritur kulmin, falë kapaciteteve mendore
mund të gjenden me mijëra mënyra për të zgjidhur konfl iktet pa dëmtuar jetën.
Shtrohet me të drejtë pyetja: A duhet të ketë luftë?!
Përgjigjja është e thjeshtë: Jo
Arsyeja është më se e kuptueshme: Në emër të asaj që është më e shtrenjta për këdo dhe kurdoherë,
në emër të jetës njerëzore.
Në fund mësuesi/ja nxjerr përfundimet e orës mësimore dhe vlerëson nxënësit me notë.
Detyrë shtëpie. 1. Shkruani një kryeartikull për gazetën e shkollës, ku të respektoni udhëzimet e mësipërme.
2. Parapërgatitni një reklamë dhe sillni në klasë reklama të llojeve të ndryshme.
Tema
9. Reklama
Objektiva: Në fund të orës së mësimit nxënësi të jetë i aftë:
• të identifi kojë reklamën si lloj i tekstit bindës;
• të dallojë funksionin bindës të reklamës;
• të analizojë elementet, teknikat dhe gjuhën e reklamës;
• të vëzhgojë një reklamë për të dalluar elementet e saj;
• të analizojë elementet e publicitetit shoqëror;
• të shkruajë një slogan publicitar.
Materialet dhe mjetet mësimore: teksti “Gjuha shqipe dhe letërsia 11”, lloje të
ndryshme të teksteve argumentuese, reklama, shkumësa me ngjyra, tabela.
Konceptet kryesore: reklama, teknikat e reklamës, slogan publicitar, elemente të
reklamës, gjuha e reklamës.
Struktura mësimore: PNP
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Përvijim i të menduarit Diskutim i ideve Punë me klasën
Ndërtimi i njohurive Mbajtja e strukturuar e shënimeve Të mësuarit ndërveprues Punë në grupe
Përforcimi Shkrimi i lirë Ndërtim i shprehive studimore Punë në dyshe
169