udhezues letersia 11

Udhëzues për tekstin “Gjuha shqipe dhe Letërsia 11”
POEZI
KATËR KËSHILLA VETES
Mos u bëj poet nëse s’mund të lindësh
me secilin varg, të lindësh me secilën fjalë.
Ngrehu mbi veten në do t’rrokësh frerët e erërave,
të shkelësh shpërgajt e mërisë dhe shtrëngatat
e gjakut tënd.
N’se dashurohesh, dashurohu n’fl akë e n’valë,
jo në sy të kaltër, se bëhesh det i çmendur pendimi.
Mos u bëj poet nëse s’mund të vdesësh
për secilin varg, të vdesësh për secilën fjalë.
Azem Shkreli
RECETË GATIMI
Tortë me kakao dhe lajthi
Përbërësit
• 12 lugë gjelle sheqer + 12 lugë gjelle për kremin
• 12 lugë miell + 3 lugë gjelle për kremin
• 12 lugë qumësht + 1/2 e litrit për kremin
• 2 lugë kakao + 2 lugë për kremin
• 1 bakin (pecivë)
• 50 gr margarinë
• 50 gr lajthi të bluara
• 50 gr miell kokosi
• 2 vezë
Udhëzime për përgatitjen
Rrihni vezët me sheqerin, pastaj shtoni qumështin, miellin, kakaon dhe bakinin
(pecivën). Hidheni në enën e yndyrosur dhe piqeni në furrën e nxehtë me 220 gradë.
Në një enë vloni 1/2 litri qumësht, duke hequr gjysmë gote, të cilit i hidhni 12 lugë
sheqer. Në enën tjetër përzieni miellin, kakaon dhe gjysmën e gotës së qumështit, të
cilën pastaj e hidhni në qumështin e vluar me sheqer dhe e zieni derisa të trashet si
krem. Në një enë tjetër përhapni 50 g margarinë dhe në të hidhni pak mielli kokosi dhe
lajthitë e bluara që të zbuten. Edhe këto hidhen në kremin e zier, përzihen edhe pak
dhe, pasi të ftohet kremi, me të lyhet torta. Dekorohet sipas dëshirës.
Konceptet kryesore: tekst, tekste letrare e joletrare, klasifi kim, funksion praktik,
funksion estetik, funksion gjuhësor, funksion informues, bindës, shprehës, fakt, trillim
6