udhezues letersia 11

Udhëzues për tekstin “Gjuha shqipe dhe Letërsia 11”
Parashikimi. Diskutim i njohurive paraprake
Mësuesi/ja e nis mësimin me diskutimin e detyrës së shtëpisë. Nxënësit janë udhëzuar të
parapërgatitin tekstin “Artikujt e gazetave” si dhe të sjellin në klasë artikuj të ndryshëm gazetash.
Me anë të pyetjeve rikujtohen njohuritë që nxënësit kanë marrë në klasat pararendëse.
- Ç’është gazeta?
- Është një nga mjetet më të përdorura të komunikimit masiv. Ajo informon duke i dhënë
lexuesit lajme mbi faktet më të rëndësishme.
- Ç’dini për strukturën e gazetës?
- Ka strukturë të veçantë. Në faqen e saj të parë paraqiten shkurtimisht lajmet më të
rëndësishme, të cilat trajtohen gjerësisht në faqet e brendshme të gazetës.
- Cilat janë karakteristikat e gjuhës së përdorur në gazeta?
- Gjuha e përdorur në gazetë është zakonisht gjuha standarde, por ajo mund të jetë e
ndryshme edhe në varësi të publikut, të cilit i drejtohet.
- Cili është formati dhe struktura grafi ke e gazetave?
Formati tradicional (56/58 gjatësi × 35/41 gjerësi) dhe Tabloid ( format i vogël) foto,
fi gura në varësi të rëndësisë së lajmit.
- Ç’është titulli i një artikulli?
Titulli përmban mesazhin kryesor, përmbledh të gjithë lajmin. Duhet të jetë i shkurtër.
Ndërtimi i njohurive.
Role të specializuara në diskutime.
Është një teknikë e të nxënit në bashkëpunim për
menaxhimin e diskutimeve në grupe të vogla, në lëndë të
caktuara. Përdoret pas leximit të një teksti apo paraqitjes
së një teme. Teknika bën që të gjithë të diskutojnë për
të njëjtën temë duke luajtur role të ndryshme, nga
këndvështrime të ndryshme. Duke qenë se këto role
zgjidhen për të theksuar anë të ndryshme të të kuptuarit,
metoda bën të mundur që nxënësit t’i mësojnë këto
aspekte në mënyrë të qëllimshme përmes praktikës aktive.
Pasi nxënësit janë të njohur paraprakisht me materialin teorik, mësuesi/ja e ndan klasën në
grupe më 4-5 nxënës dhe u kërkon të hartojnë skemën e gazetës së shkollës. Secili grup
do të prezantohet me variantin e tij. Më pas ata do të shkruajnë një artikulli për rubrikën që u
pëlqen dhe të lidhin me njëri-tjetrin të gjitha idetë që u lindin për të ndërtuar gazetën.
Nxënësit do të luajnë brenda grupit role të ndryshme, si:
- prezantuesi i strukturës së gazetës,
- mbledhësi i informacionit,
- përgatitësi i strukturës së shkrimit/ shkruesi i shkrimit,
- paraqitësi i fakteve,
- paraqitësi i opinioneve.
69