udhezues letersia 11

Udhëzues për tekstin “Gjuha shqipe dhe Letërsia 11”
Instituti Amerikan, Kavajë, Shqipni
21 mars 1939
Zonjushës Tefta Tashko et alter, Tiranë
E Ndershmja Zonjushë:
E ndjej veten të lumtur që m’epet rasa t’ju falënderoj për guximin që patët të përballoni shi e
tufan dhe të na falni një orë gëzim e lumni neve të Katundit Përparimi. Djemt, në zëmrat e të
cilëvet keni ndez dashunin për art dhe në buzë të të cilëvet keni vuem kangët t’ueja përdëllyese,
duen të shpresojnë t’ju shohin dhe t’ju ndëgjojnë edhe ma herë të tjera ndër’ ta, dhe na të rritunt
e të rriturat po ashtu edhe ma fort se ata.
Në kët rasë më lejoni Zonjushë t’ju citoj nga shënimet e mbledhjes së fundit të trupit mësimuer
kto rreshta që fl asin për ju:
...u propozue dhe u pëlqye unanimisht një votë falënderimi për Z-tin Tonin Gurazi që dhan një
koncert në sallën e Institutit natën e enjte më 9 mars 1939.
Tue ju urue sukses në misionin t’uej me përhap gëzim e lumni ndër zemrat e bashk-atdhetarvet
dhe bash-atdhetarkavet t’ueja,
Mbetem me nderime të posatshme
Ali Cungu
Tiranë 20/III/‘39
I nderuari Zoti Kongoli, (drejtuar Baki Kongolit)
Turnenë muzikale e kaluam për bukuri. Kudo populli na priti me entuziazmë, kështu që
mbetëm fort të kënaqur, pa fjalë nga pikëpamja morale...
Letra e juaj m’u dorëzua pas kthimit të turnesë. Më erdhi ndërmënt ritournela dhe ja
shkrojta Toninit, kështu që “Dola në penxheret” shkoj fare mirë. Po ajo pjesë nga shqipet që pati
më tepës sukses ka qenë “Ishin dy kunata”.
Këtu po pregatiten në radio një konsert me rastin e lindjes të Princit. Unë ju propozova
të merni pjesë në program dhe nuk e refuzuan. A bëra mirë? Po për këtë rast a nuk do t’ish mirë
sikur të më dërgonit nja dy këngë të reja prej atyre që më foltë ca javë më parë? Sikundër edhe
një hyrje të bukur për refrainin “Dallëndyshe vaj, vaj, vaj”? Do të isha fort mirënjohëse ashtu si jam
edhe sot.
Si shkoni n’Elbasan? Dëshiroj t’ju shikoj së shpejti në Tiranë.
Dyke pritur një përgjigje tuajën, ju dërgoj të falat e përzëmërta.
Kini të fala nga gjith familja dhe veçanërisht nga Koçua.
Tefta Tashko.
(Marrë nga libri “Tefta Tashko Koço dhe koha e saj”)
53