Create successful ePaper yourself
Turn your PDF publications into a flip-book with our unique Google optimized e-Paper software.
Udhëzues për tekstin “Gjuha shqipe dhe Letërsia <strong>11</strong>”<br />
Struktura mësimore: PNP<br />
Fazat e strukturës Strategjitë mësimore Veprimtaritë e nxënësve Organizimi i nxënësve<br />
Parashikimi Një pyetje, shumë përgjigje Nxitje e arsyetimit Punë me klasën<br />
Ndërtimi i njohurive Interpretim konkluzionesh Të nxënit me anë të bashkëpunimit Punë në dyshe<br />
Përforcimi Diskutim Ndërtimi i shprehive të debatit Punë individuale<br />
Parashikimi. Një pyetje, shumë përgjigje<br />
Hapësira e fjalës<br />
Mësuesi/ja ka përzgjedhur disa vlerësime për romanin e Kadaresë dhe vetë fi gurën<br />
e Kadaresë si shkrimtar dhe nxit nxënësit për të dhënë komentet e tyre rreth këtyre<br />
vlerësimeve:<br />
-Ç’mendoni ju për vlerësimet e mëposhtme?<br />
1. “Në vështrim të parë vlerësimi ndërkombëtar i autorit mund të të çuditë, sepse<br />
Kadareja shkruan kryekëput vetëm për Shqipërinë. Por, ato ngjarje që s’ia vlen t’u<br />
hedhësh sytë në atë anë të botës, ai i shndërron në letërsi botërore”.<br />
Anjez Hyfner<br />
2. “Asgjë nuk mund të përballet me penën e hidhur të Kadaresë, që vërvit mbi<br />
historinë njerëzore shpërthimin e një të qeshure shekspiriane. Dhe kaq e stërmadhe<br />
është, saqë grotesku fi ton përmasa kozmike”.<br />
Andre Klavel<br />
“Ismail Kadare është një shkrimtar universal, me një traditë narracioni që e ka<br />
origjinën që nga Homeri”.<br />
Xhon Keri (John Carey)<br />
“Është kjo anë vizionare, që përbën forcën madhore të Kadaresë, romancier që rrok<br />
historinë me një frymë të fuqishme shekspiriane”.<br />
Historia e Letërsisë Evropiane<br />
“Vepra dhe mendimi i Kadaresë kanë atdhe”.<br />
A. Shkreli<br />
Ndërtimi i njohurive dhe Përforcimi. Interpretim konkluzionesh/ Diskutim<br />
Pas komenteve rreth vlerësimeve për romanin dhe fi gurën e Kadaresë, çdo nxënës<br />
përpiqet të bëjë një interpretim vlerësues për Kadarenë, duke mbajtur parasysh se<br />
romani “Gjenerali i ushtrisë së vdekur”, në morinë e pafundme të interpretimeve, mbase<br />
duhet vendosur përballë një citimi të mrekullueshëm të studiuesit Shaban Sinani, që i<br />
referohet Papa Leonit XIII: “Parimi i parë i historisë është të mos thuash të pavërteta<br />
dhe pastaj, të mos guxosh të heshtësh kur t’i kesh mësuar këto të vërteta”.<br />
<br />
Diskutim<br />
Nxënësit një e nga një, vetëm me një ose me dy fjalë, japin vlerësimin e tyre personal<br />
për shkrimtarin Ismail Kadare, të cilat mendojnë se e karakterizojnë më mirë atë. Në<br />
fund diskutohet për epitetin ose fjalën më domethënëse me të cilën ata karakterizuan<br />
shkrimtarin. P.sh.: Gjenial, i paarritshëm etj.<br />
Detyrë shtëpie. Një kartolinë për Ismail Kadarenë. Nëse do t’ju jepej rasti t’i shkruanit një kartolinë<br />
urimi Ismail Kadaresë për një vepër të sapobotuar, çfarë do t’i shprehnit?<br />
228
Change language