udhezues letersia 11

Udhëzues për tekstin “Gjuha shqipe dhe Letërsia 11”
Tema
3. Përshkrimi
i njerëzve
(ora I)
Objektivat: Në fund të orës së mësimit nxënësi të jetë i aftë:
• të njohë teknikat e shkrimit në përshkrimin e personave;
• të dallojë elementet kryesore në përshkrimin e personave;
• të përdorë tabelën për t’i përmbledhur këto të dhëna;
• të përshkruajë një person.
Materialet dhe mjetet mësimore
Teksti “Gjuha shqipe dhe letërsia 11”, lloje të ndryshme tekstesh përshkruese,
shkumësa me ngjyra, tabela.
Model përshkrimi
Skoti
Skoti është kapiten i flotës angleze, një si shumë të tjerë. Biografi a e tij përputhet me
karakteristikën: ka kryer me ndërgjegje detyrat, duke fi tuar kështu miratimin e eprorëve, ka marrë
pjesë në ekspeditën e Shelltonit. Nuk i është vënë re ndonjë shpirt i veçantë heroik. Fytyra e tij
duke gjykuar nga fotografi të, nuk dallon nga mijëra e dhjetëra mijëra fytyra angleze: e ftohtë, që
tregon vullnet, e qetë, si e skalitur nga një energji e fshehur. Sy të përhimët, buzë të shtrënguara
fort. Asnjë vijë romantike, asnjë shkëndijë humori nuk ka në këtë fytyrë, vetëm vullnet i hekurt dhe
mendje praktike. Shkrimi i tij është një shkrim i zakonshëm anglez, pa nuanca dhe përdredhje, i
shpejtë, plot besim në vetvete. Mënyra e tij e të shprehurit është e qartë dhe e përpiktë, elokuente
në përshkrimin e fakteve, por megjithatë e thatë dhe praktike, si gjuha e një raporti. Në çdo gjë të
bie në sy se është njeri pa fantazi, fanatik i prakticitetit, pra, rrjedhimisht, një anglez i vërtetë, të
cilit si dhe shumicës së bashkatdhetarëve të tij, edhe gjenialiteti u fut brenda caqeve të ngurta të
kryerjes së detyrës. Historia e Anglisë njeh qindra Skota të tillë: ai nënshtroi Indinë dhe ishujt pa
emër të arkipelagut, kolonizoi Afrikën dhe luftoi në gjithë botën me po atë energji të hekurt, me po
atë bindje se po kryen detyrën krahas të tjerëve, me po atë fytyrë të ftohtë e të mbyllur. Por vullneti
i tij është i fortë çelik. Kjo vihet re përpara kryerjes së aktit heroik.
Marrë nga Stefan Cvajg, “Njeriut të cilit iu mërzit Evropa”, faqe 109
Konceptet kryesore: përshkrimi i një personi, teknikat e për shkrimit të një personi, përshkrimi fizik, përshkrimi i karakterit.
Struktura mësimore
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Disktutim i njohurive paraprake Diskutim i ideve Punë me klasën
Ndërtimi i njohurive Të nxënit me këmbime Të mësuarit ndërveprues Punë në grup
Përforcimi Shkrim i lirë Ndërtim i shprehive studimore Punë në dyshe
ZHVILLIMI I MËSIMIT
Parashikimi. Diskutim i njohurive paraprake
Mësuesi/ja e nis mësimin me diskutimin e detyrës së shtëpisë. Nxënësve u është
kërkuar të sjellin në klasë përshkrime njerëzish. Bëhet leximi i tyre (mësuesi/ja mund t’u
paraqesë nxënësve modele përshkrimi të personave, nëse ata nuk kanë sjellë materiale
të kësaj natyre). Mbështetur në përshkrimet e lexuara mësuesi/ja shtron pyetjen:
121