udhezues letersia 11

Struktura mësimore: PNP
Udhëzues për tekstin “Gjuha shqipe dhe Letërsia 11”
Fazat e strukturës Strategjitë mësimore Veprimtaritë e nxënësve Organizimi i nxënësve
Parashikimi Një pyetje, shumë përgjigje Nxitje e mendimeve Punë me klasën
Ndërtimi i njohurive Diagrami i Venit Të nxënit në bashkëpunim Punë me grupe
Përforcimi Shkrim i lirë Ndërtimi i shprehjeve studimore Punë individuale
Parashikimi. Një pyetje, shumë përgjigje.
- Ç’mendoni për ilustrimet që shoqërojnë fragmentet e romanit në vargje “Eugjen
Onjegini”?
Nxënësit drejtohen të vëzhgojnë elementet romantike në to.
Ndërtimi i njohurive. Diagrami i Venit
Mbi çdo tryezë është vendosur “Kënga e lamtumirës” së “Çajld Haroldit” të Bajronit
dhe kënga XLIX, kreu VIII i Pushkinit, për të krahasuar projektimin individual të së njëjtës
situatë: Lamtumirës.
Skeda:
-Veçoritë e “Këngës së lamtumirës” të Bajronit.
a. Përshëndetja dhe nisja e Haroldit për shtegtim. Atmosfera romantike vjen përmes
krahasimeve, epiteteve, metaforave – Përshkrimi i bregdetit dhe i natyrës shërben si
paralelizëm mes relievit shpirtëror tronditës me të cilin identifi kohet ikja e Haroldit.
b. Përshkrimi i natyrës - Përshkrimi i gjendjes shpirtërore të heroit romantik. Natyra
fi zike dhe natyra shpirtërore plotësojnë njëra-tjetrën si shfaqje dhe si kuptim.
c. Motivet e largimit të Haroldit nga vendlindja. Malli dhe brenga e tij.
ç. Figura e pazhit – krahasimi me Haroldin. Tiparet e tij.
d. Momenti kulmor poetik:
“S’qaj për gëzimet që humbas
rrezikun që më vjen,
po vetëm qaj se nuk lë pas
asnjë që lotn’ e vlen.”
- Veçoritë e këngës XLIX, kreu VIII nga romani në vargje “Eugjen Onjegini”
a. Motivi i ndarjes, i largimit, i lamtumirës. Këndvështrimi i tij mbi njeriun si
bashkudhëtar i përkohshëm, që e ka zhgënjyer heroin romantik.
- Dëshira që vepra dhe kujtimi i tij të mund t’u shërbejnë të tjerëve, qoftë për mirë,
qoftë për keq. (që ti për gaz a për shkak të kotë/ për zemër’ a lajm nëpër fl etore...)
- Shpresa se ka lënë një gjurmë me jetën dhe veprën e vet (E ti shok udhe lamtumirë,/
ti i patundur ideal, / edhe ti, vepr e gjallë, e dlirë,/ ndonës’ e vogël – që m’u fal).
b. Dritëhijet romantike të heroit që s’di ku të shkojë, veç mjafton të arratiset nga një
mjedis që e ka lodhur me falsitetin e tij.
c. Realiteti jetësor i shndërruar në realitet poetik.
ç. Historia njerëzore dhe historia individuale e mishëruar në raportin Tatjanë-Onjegin.
Zhgënjimi i heroit romantik nga koha, vendi, njerëzit. Largimi si shprehje e
pakënaqësisë, e pamundësisë për të vënë në jetë idealin e vet.
- Përdorimi i thirrorëve dhe përdorimi i vetës II vendos lidhje të ngushtë me lexuesin.
Subjektivja dhe objektivja në fragment.
Plastika poetike e Pushkinit e bën origjinal rrëfi min e tij.
Mendimi poetik i fshehur pas çdo lëvizjeje, dëshira e strukur në thellësi emocioneve.
249