Cartas do CárCere - Estaleiro Editora

(ligado a esta situaçom, deves saber que Milám tem até um
culto católico de seu, o culto ambrosiano, do qual os velhos
milaneses som mui devotos).
desculpa a digressom. Mas sabes que som um grande
fascinado e que me deixo arrastar por qualquer tema que me
interessa.
Com respeito aos livros: naturalmente, nom deves levar
encima tanto peso como bagagem. acho que é mesmo melhor
enviares os livros para o meu endereço do Cárcere de roma,
de maneira que a visita do cobrador de impostos e da polícia
se faga no cárcere.
tenho no depósito umha mala de fibra e umha bolsa de
viagem, bastante adequadas; serám suficientes. Para o meu
uso pessoal, há de chegar umha funda de almofada, onde meter
a roupa branca e os objetos indispensáveis. Farei a petiçom
para que che entreguem estas cousas na porta. Na mala
devo ter: um termo —que nom me fai falta, porque nom podo
utilizá-lo—, umhas embalagens de leite Nestlé, uns pedaços
de sabom, além do relógio e a caneta estilográfica, que podem
estropiar-se se nom forem utilizados. Poderás guardá-los
e utilizá-los, se bem que o relógio está longe de ser elegante
e moderno (a propósito: Giulia tentou em várias ocasions
conseguir a cadeinha, que na verdade é pior que o relógio, e
nunca lha dei precisamente porque me parecia um capricho
extravagante).
escreve-me mais impressons de Milám. abraço-te afetuosamente.
aguardo-te.
antonio
•
133