Cartas do CárCere - Estaleiro Editora

diversas épocas. e nom chega ainda: um tradutor qualificado
deveria ser capaz nom apenas de traduzir literalmente, mas de
traduzir os termos, também concetuais, de umha determinada
cultura nacional para os termos de umha outra cultura nacional,
isto é, um tradutor assim deveria conhecer criticamente
duas culturas e ser capaz de fazer conhecer umha à outra,
servindo-se da linguagem historicamente determinada dessa
cultura à qual fornece o material de informaçom. Nom sei se
me expliquei com clareza suficiente. No entanto, penso que
um trabalho semelhante mereceria ser feito, ou melhor, mereceria
empenhar nele as forças todas. acrescento que seria mui
feliz se te dedicasses a ele de maneira sistemática e continua,
com a finalidade de atingires o máximo de qualificaçom, a especializaçom.
Queridíssima Iulca, abraço-te com tenrura.
antonio
12 de setembro de 1932
362
•
(Carta 119)
Queridíssima mae,
recebim umha carta de Grazietta de 24 de agosto com notícias
sobre a colheita e sobre a casa nova para a que foi morar teresina.
Lembro mui bem o pátio, onde eu jogava com Luciano, e
a pia onde fazia manobrar as minhas grandes frotas de papel,
de cana, de férula e de cortiço, e onde depois as destruía a
golpes de schizzaloru 173 . Lembras quanta habilidade tinha para
reproduzir a partir das ilustraçons os grandes navios a vela e
173 Schiazzaloru, em sardo, é um rudimentário fuzil de ar comprimido, construído
com umha póla de sabugueiro.