Cartas do CárCere - Estaleiro Editora

Há depois algumhas complicaçons de outro género, causadas
polo meu organismo: o certo é que as dores nos órgaos do
sistema respiratório estám causadas pola pressom dos órgaos
do sistema digestivo, que incham, coma o que se comer; o
leite é mesmo o alimento que mais inchaçom produz. Penso
que, no mínimo, é preciso isolar este fenómeno, e é por isso
que me obcecara com a Urecidina que, mesmo em pequenas
doses, melhorava a digestom. a acidez demostra, certamente,
em minha opiniom, que o ácido úrico tem responsabilidade
polas moléstias e que a Uricedina é mesmo adequada para
este fim. Contém 42% de sulfato de sódio. tomei purgantes
de 30 gramas de sulfato de sódio, receitados polo médico, que
me ajudárom apenas durante 12 horas, para além da debilidade
que o purgante causa. Umha colher de café de Uricedina,
tomada às 4 da tarde, garantia-me umha digestom nocturna
normal e, portanto, um certo bem-estar. de resto, acho que
os purgantes arruinam os presos que abusam deles com demasiada
freqüência, e até agora evitara-os sempre de maneira
sistemática. acreditava que me beneficiava a cura da uva, mas:
1°, a uva nom podia conseguir-se todos os dias e 2°, nom é de
mesa, mas de vinho; pode lavar-se só daquela maneira; para
comer ½ kg fai falta um dia de trabalho, se se deitarem a pele
e as pevides, e umha vez, por ser esse dia azeda ou por outra
razom, deu-me 38,5 de temperatura. de maneira que decidim
nom fadigar-me mais com os muitos remédios que me deixam
pior do que antes e também que me envies a Uricedina: penso
que se combato a uricemia com ela, somado à dieta que sigo
agora, poderei, quando menos, isolar a causa, quer seja a principal
ou apenas umha causa secundária.
o teu último postal de 23 de outubro fijo-me sorrir um
pouco. dás-me a razom demasiadas vezes e isso fijo com que
pensasse que me julgas excessivamente irritado, ou até amua-
285