Cartas do CárCere - Estaleiro Editora

Procurarei responder as outras questons que me colocas a
propósito de Croce, embora nom entenda bem a importáncia
disso e até creio ter-lhes dado já resposta nas notas anteriores.
relê o ponto em que mencionas a atitude mantida por
Croce durante a guerra e olha se de maneira implícita nom
se contém a resposta a umha parte das tuas perguntas atuais.
a rutura com Gentile produziu-se em 1912, e é Gentile quem
se separou de Croce, procurando tornar-se filosoficamente
independente. Nom penso que Croce mudasse a orientaçom
desde aquele tempo em diante, embora definisse melhor as
suas doutrinas; umha mudança mais notável é a acontecida
desde 1900 a 1910. a chamada «religiom da liberdade» nom
é um achado destes anos, é o resumo numha fórmula drástica
do seu pensamento de sempre, desde o momento em que
abandonou o catolicismo, como ele mesmo escreve na sua
autobiografia intelectual (Contributo alla critica di me stesso).
Nem sequer nisto vejo que Gentile nom concorde com Croce.
acho que dás umha interpretaçom inexata à formula «religiom
da liberdade» já que lhe concedes um conteúdo místico
(igualmente, poderia acreditar-se polo facto que mencionas
um «refúgio» nesta religiom e portanto numha espécie de
«fuga» do mundo, etc.). Nada disso. religiom da liberdade
significa simplesmente fé na civilizaçom moderna, que nom
precisa transcendências e revelaçons, mas que contém em si
própria a própria racionalidade e a própria origem. É, portanto,
umha fórmula antimística e, se quigeres, antirreligiosa.
Para Croce, qualquer visom do mundo, qualquer filosofia,
em tanto se converte numha norma de vida, numha moral, é
«religiom». as religions no sentido confessional som também
elas «religions», mas «mitológicas», portanto num certo sentido
«inferiores», primitivas, quase correspondentes com umha
infáncia histórica do género humano. as origens de semelhan-
350