Cartas do CárCere - Estaleiro Editora

18 de maio de 1931
(Carta 75)
Queridíssima tania,
recebim os óculos; vam-me mui bem. agradeço a tua solicitude.
Porém, continuo a estar convencido de que teria sido
suficiente gastar muito menos. os óculos a que rompim a armaçom
custaram 48 liras; fôrom comprados em dezembro de
1926 no cárcere de Palermo, quando viajava na transferência
para Ustica. Visto que a firma Viganò garante a armaçom até 3
anos, parece que estes óculos de 48 liras figérom um discreto
serviço; nom estám para tirar com eles, porque as lentes estám
intatas e se calhar será suficiente para os consertar umha aplicaçom
de metal na armaçom.
Neste momento, recebo a tua carta de 15 de maio e a carta
de Giulia. teria desejado que me tivesses escrito as tuas
impressons sobre a carta de Giulia. Para mim é ainda difícil
orientar-me. acho que pode ser identificada umha parte
positiva: quer dizer, que Giulia conquistou umha certa confiança
em si própria e nas suas próprias forças, mas nom será
esta confiança de caráter puramente intelectual e racional,
isto é, pouco profunda? opino que o caráter intelectualístico
do seu estado de ánimo é demasiado evidente, isto é, que o
momento «analítico» nom se tem convertido ainda em força
vital, em impulso volitivo. aquilo que me tranquiliza um
pouco é que Giulia, como a maioria dos russos contemporáneos,
tem umha grande fé na ciência, e refiro-me a umha
fé de caráter quase religioso, isso que nós ocidentais tivemos
no fim do século passado e depois perdemos pola causa da
crítica da filosofia mais moderna e nomeadamente através do
desastre da democracia política. também a ciência foi submetida
à «crítica» e foi limitada. Nom teria acreditado nunca em
241