Cartas do CárCere - Estaleiro Editora

se pode renunciar. agora, polo contrário, nom me custa trabalho
nengum: converteu-se num costume; é a expressom
necessária da rotina carcerária e é também um elemento de
auto-defesa instintiva. Porém, algumha vez esta «paciência»
converte-se numha espécie de apatia e indiferença que nom
consigo superado: acho que também notache isto e que nom
gostache muito. Nem sequer isto é umha novidade, sabes? tua
mae observara-o em 1925 e Giulia contou-mo. a verdade é
que desde aqueles anos eu, por dizê-lo com umha metáfora
de Kipling, era como umha cabra que perdeu um olho e gira
em círculo, sempre sobre a mesma amplitude de rádio. Mas
vaiamos a algo mais alegre.
a rosa apanhou umha terrível insolaçom: todas as folhas
e as partes mais tenras estám queimadas e carbonizadas; tem
um aspecto desolado e triste, mas novamente bota fora os rebentos.
Nom morreu, polo menos até agora. a catástrofe solar
era inevitável, já que só pudera cobri-la com papel, que o
vento levava; teria sido necessário ter um bom feixe de palha,
que é umha má condutora da calor e ao mesmo tempo protege
dos raios diretos. seja como for, o prognóstico é favorável,
com a exceçom de complicaçons extraordinárias. as sementes
tardárom muito em se tornarem pequenas plantas: todo
um grupo teima em fazer umha vida podpolie 66 . eram, com
certeza, sementes velhas e que em parte criárom bicho. aquelas
que saírom à luz do mundo desenvolvem-se lentamente e
som irreconhecíveis. Penso que o jardineiro, quando che dixo
que umha parte das sementes eram ótimas, queria dizer que
eram aptas para se comer; com efeito, estranhamente algumhas
plantas parecem mais salsa e cebolinhas do que flores.
66 Podpole em russo é «subterrâneo» e, em sentido figurado, «clandestinidade».
173