Cartas do CárCere - Estaleiro Editora

27 de julho de 1931
250
(Carta 79)
Queridíssima Giulia,
dentro de alguns dias delio fará os 7 anos e no fim do mês
Giuliano fará 5 anos. Para delio, a data é importante, porque
habitualmente os 7 anos som considerados umha etapa
importante no desenvolvimento da personalidade. a Igreja
Católica, que é sem dúvida o organismo mundial que possui
a maior acumulaçom de experiências organizativas e propagandísticas,
fixou nos 7 anos a entrada solene na comunidade
religiosa mediante a primeira comunhom, que significa para
o miúdo a primeira responsabilidade pola escolha de umha
ideologia, que deve imprimir umha lembrança indelével para
toda a sua vida. Nom sei se concedes um caráter particular a
esta festa de delio, que deixa na sua memória umha pegada
mais profunda e duradoira do que outras festividades anuais.
se Giuliano nom tivesse apenas 5 anos, e se nom fosse impossível,
polo menos dentro de certos limites, distinguir entre
delio e Giuliano, acho que este seria o momento de explicar a
delio que estou no cárcere e por qué. acho que umha explicaçom
assim, unida ao facto de ser considerado capaz num
certo sentido responsável, causaria nele umha grande impressom
e marcaria, sem dúvida, umha data no seu desenvolvimento.
Nom sei exatamente o que achas a este respeito. Por
vezes acho que sobre este tema pensamos de maneira idêntica;
outras vezes acho que na tua consciência há umha certa dissidência
ainda nom definida: quer dizer, tu (polo que por vezes
me parece) compreendes bem, do ponto de vista intelectual e
teórico, que és um elemento do estado e que tés o dever, como
tal, de representares e exercitares o poder da coerçom em determinadas
esferas, para modificares capilarmente a sociedade