Cartas do CárCere - Estaleiro Editora

va que seria ainda possível umha certa comunhom na nossa
vida, que me ajudarias a nom perder por completo o contato
com a vida do mundo; quando menos com a tua vida e com a
das crianças. Porém, considero (e digo-o mesmo se che causo
um grande desgosto), que tés contribuido para agravar o
meu isolamento, fazendo com que o sentisse de maneira mais
amarga. tu insistes amiúde, nas tuas cartas, em que nós «estamos
mais fortemente unidos, que somos mais fortes», mas
precisamente é isso o que me parece cada vez mais falso, e
acho que tu mesma o duvidas e luitas com a tua dúvida, no
mesmo momento em que repetes essa afirmaçom. acho que
no curso destes cinco anos nos convertemos cada vez mais em
fantasmas, em seres irreais um para o outro. Como podem
uns fantasmas estar mais unidos, e serem mais fortes? Umha
vez, há muito tempo, escrevêrom-me que o teu bolso estava
cheio de cartas tuas para mim, começadas e nom acabadas:
este facto afetou-me mais do que qualquer outra cousa, porque
o seu significado nom é agradável. Quer dizer que nom
consegues escrever-me, que há algo que se interpom e che
impede comunicar-te comigo. de facto, nom sei nada de ti:
nem sei se retomache a tua atividade laboral. as tuas cartas
som extremamente vagas. Nom som capaz de imaginar nada
da tua vida. Muitas vezes procurei dialogar contigo: levantei
questons, indiquei-che aquilo que seria para mim de sumo interesse.
Nom conseguim obter nengum resultado e justamente
entrei neste estado de ánimo polo qual escrever-che é para
mim mais difícil e penoso.
esta carta é umha nova tentativa que fago para retomar
as nossas vidas; penso que ainda há umha maneira e um tempo.
Com certeza, nom esquecim a Iulca de um tempo; porém,
nom consigo fazê-la reviver na Giulia de hoje; nem dou
imaginado a Giulia atual de umha maneira concreta, de umha
292