Cartas do CárCere - Estaleiro Editora

afirmava que era umha família modelo (nom cho dixera nunca,
mas digo-cho agora para fazer que te enfades!); a única que
se parece verdadeiramente com tua mae.
Querida, é mesmo verdade o que escreves: também eu
quereria escrever-che muitas cousas, mas nom consigo vencer-me,
superar umha espécie de reserva. Creio que vem determinado
pola nossa formaçom mental moderna, que nom
encontrou ainda uns meios de expressom adequados e próprios.
som sempre um pouco cético e burlom, e acho que se
expressasse tudo quanto quigesse, nom poderia superar um
certo convencionalismo e um certo melodramatismo que está
quase incorporado à linguagem tradicional. o mesmo estudo
profissional que fixem das formas técnicas da linguagem obceca-me,
vendo em qualquer expressom umhas formas fossilizadas
e ossificadas que me repugnam. Porém, tenho a certeza de
que entre nós nom se perderá nunca a intimidade.
abraço-te forte forte
antonio
22 de abril de 1929
172
•
(Carta 49)
Queridíssima tania,
recebim os teus postais de 13 e de 19 de abril. Ficarei pacientemente
à espera das notícias da casa. acho que também tu tés
notado, nos poucos momentos em que nos vimos, o paciente
que cheguei a ser. também antes o era, mas só graças a um
grande esforço sobre mim mesmo: era umha certa qualidade
diplomática, necessária para entrar em relaçom com os
estúpidos e com gente aborrecida à qual, infelizmente, nom