Cartas do CárCere - Estaleiro Editora

lhe todas as minhas cartas, embora as escritas para ti pessoalmente.
se lhe enviares também esta, lerá este desejo meu,
que responde a umha autêntica exigência psicológica que nom
som capaz de superar. deve ser porque toda a minha formaçom
intelectual foi de natureza polémica; incluso pensar «de
maneira interessada» me parece difícil, isto é, o estudo polo
estudo. somente algumha vez, mas raramente, acontece que
me perdo numha determinada ordem de reflexons e que encontro,
por assim dizer, o interesse nas cousas em si, para dedicar-me
à sua análise. Normalmente, é necessário para mim
situar-me num ponto de vista dialógico ou dialético; de outra
maneira nom sinto qualquer estímulo intelectual. Como che
dixem umha vez, nom gosto de guindar pedras à toa; quero
escutar um interlocutor ou um adversário em concreto; mesmo
nas relaçons familiares quero dialogar. de outra maneira,
pareceria-me que escrevo um romance em forma epistolar,
que sei eu, que fago má literatura.
É claro que me interessaria saber o que delio pensa da
sua viagem, que impressons tivo, etc. Mas já nom tenho vontade
de pedir para Giulia que empurre delio para contar-me
algo. Figem-no umha vez; escrevim umha carta para delio,
talvez o lembres, mas tudo ficou em nada. Nom podo pensar
porque se lhe escondeu a delio que estou em prisom, sem
refletir precisamente em que ele poderia tê-lo sabido de maneira
indireta, quer dizer, da maneira mais desagradável para
umha criança, que começa a duvidar da veradicidade dos seus
educadores e começa a pensar pola sua conta e a fazer vida
à parte. Polo menos assim me aconteceu a mim quando era
meninho: lembro-o perfeitamente. este elemento da vida de
delio nom me empurra a escrever-lhe diretamente: penso que
cada itinerário educativo, mesmo o pior, é sempre melhor que
as interferências entre dous sistemas opostos. Conhecendo
226