Cartas do CárCere - Estaleiro Editora

estado de desenvolvimento intelectual de delio, como se depreende
daquilo que me escreves, está mui atrasado para a
sua idade, é demasiado infantil. Quando tinha dous anos, em
roma, tocava o pianoforte, isto é, já compreendera a diferente
gradaçom local das tonalidades sobre o teclado, por meio dos
ruídos dos animais: o pintinho à direita e o urso à esquerda,
com os intermédios de outros animais vários. Para umha
idade de dous anos ainda nom cumpridos, este procedimento
era compatível e normal; mas com cinco anos e algum mês,
o mesmo procedimento aplicado à orientaçom, embora seja
num espaço muitíssimo maior (nom tanto quanto pode parecer,
porque as quatro paredes do quarto limitam e concretam
este espaço), está mui atrasado e infantil.
Lembro com muita precisom que com menos de cinco
anos, e sem ter saído nunca da aldeia, quer dizer, tendo das
dimensons um conceito mui limitado, sabia encontrar com
a vara a vila onde vivia, tinha umha impressom do que era
umha ilha e encontrava as cidades principais da Itália num
grande mapa mural; por outras palavras, tinha um conceito
da perspetiva, de um espaço complexo e nom apenas de linhas
abstratas de direçom, de um sistema de medidas relacionadas,
e da orientaçom conforme a posiçom dos pontos nestas conexons,
acima-abaixo, direita-esquerda, como valores espaciais
absolutos, fora da posiçom excecional dos meus braços. Nom
acho que tenha sido excecionalmente precoz, antes polo contrário.
em geral, tenho observado como os «grandes» esquecem
facilmente as suas impressons infantis, que a umha certa
idade esvaecem num conjunto de sentimentos ou de lamentos
ou de comicidade ou outra deformaçom. Igualmente, esquece-se
que a criança se desenvolve intelectualmente de umha
maneira mui rápida, absorvendo desde os primeiros dias do
nascimento umha quantidade extraordinária de imagens que
197